ରାୟଗଡା: ଅବକାରୀ ବିଭାଗର ପାଟ୍ରୋଲିଂ ବେଳେ କଣ୍ଟେନରରୁ ଦେଶୀ ମଦ ଜବତ । ରାୟଗଡ ଜିଲ୍ଲା ଅବକାରୀ ବିଭାଗର ସ୍ଵତନ୍ତ୍ର ସ୍କ୍ବାଡ ଟିମର ପାଟ୍ରୋଲିଂ ଚାଲିଥିବା ବେଳେ ରାୟଗଡା ଚାନ୍ଦିଲି ଥାନା ଅନ୍ତର୍ଗତ ଲକ୍ଷ୍ମୀପୁର ଗ୍ରାମରୁ ୨ଟି ୫୦ଲିଟର କଣ୍ଟେନରରେ ଦେଶୀ ମଦ ଜବତ ହୋଇଛି ।
ଚଢାଉରେ ଦେଶୀ ଓ ପ୍ୟାକେଟ ମଦ ଜବତ
ଏହାସହ ସୁରେଶ କୁମାର କରକରିଆ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି ଅବକାରୀ ବିଭାଗ । ସେହିପରି ସିଙ୍ଗିପୁର ବ୍ଲକ ସିକରପାଇରେ ରହିଥିବା ଦେଶୀ ଭାଟିର ଅବଧି ସରିଯାଇଥିବା ସତ୍ତ୍ୱେ ଭାଟିର ମ୍ୟାନେଜର ଚୋରାରେ ବିକ୍ରି କରିବାକୁ ରଖିଥିବା ୭୦୦ ପ୍ୟାକେଟ (୧୪୦ ଲିଟର)କୁ ଦେଶୀ ମଦ ପ୍ୟାକେଟ ଜବତ କରିବା ସହ ମ୍ୟାନେଜର ସୋରଜ ପ୍ରସାଦ ଗୁପ୍ତାକୁ ଗିରଫ କରିଛି ।
ଏହି ଦୁଇ ଅଭିଯୁକ୍ତଙ୍କୁ କୋର୍ଟ ଚାଲଣ କରାଯାଇଥିବା ଅବକାରୀ ବିଭାଗ ପାଟ୍ରୋଲିଂ ଦାୟିତ୍ୱରେ ରହିଥିବା ଅଧିକାରୀ ପ୍ରକାଶ କରିଛନ୍ତି।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
