ବ୍ରହ୍ମଗିରି: ବନବିଭାଗ ଉପସ୍ଥିତିରେ ବାରହାକୁ ଗୋଡାଇ ଗୋଡାଇ ହତ୍ୟା କଲେ ଗ୍ରାମବାସୀ । ଏଭଳି ଘଟଣା ଘଟିଛି ବ୍ରହ୍ମଗିରି ବନବିଭାଗ ଅଧୀନ ବଲିକେରା ଗ୍ରାମରେ । ସୂଚନାଅନୁଯାୟୀ ଗ୍ରାମ ନିକଟ ଜଙ୍ଗଲରୁ ଏକ ବାରହା ଗାଁ ଭିତରକୁ ପଶି ଆସିଥିବାବେଳେ ଗ୍ରାମବାସୀ ମାରଣାସ୍ତ୍ର ସାହାଯ୍ୟରେ ବାରହାକୁ ଆକ୍ରମଣ କରି ହତ୍ୟା କରିଥିଲେ । ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚିଥିଲେ ମଧ୍ୟ ଗ୍ରାମବାସୀ ସେମାନଙ୍କ ସମମ୍ମୁଖରେ ବାରହାଟିକୁ ହତ୍ୟା କରିଥିଲେ ।
ବନବିଭାଗ ସମ୍ମୁଖରେ ବାରହାକୁ ଗୋଡାଇ ଗୋଡାଇ ହତ୍ୟା କଲେ ଗ୍ରାମବାସୀ
ତେବେ ବନବିଭାଗ ସମ୍ମୁଖରେ ବାରହାକୁ ହତ୍ୟା କରାଯାଇଥିଲେ ମଧ୍ୟ ଗ୍ରାମବାସୀଙ୍କୁ ବାରଣ କରିନଥିଲେ ବନବିଭାଗ ଅଧିକାରୀ । ଫଳରେ ବନବିଭାଗର ଏପରି ଅବହେଳା ହେତୁ ବାରହାର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅନ୍ୟପଟେ ବାରହା ଆକ୍ରମଣରେ ୩ ଜଣ ମଧ୍ୟ ଗୁରୁତର ହୋଇଥିଲେ । ୩ ଗୁରୁତର ତିନିକୁଦି ଓ ବାଲିକେରା ଗ୍ରାମର ହୋଇଥିବା ବେଳେ ସେମାନଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
