ପୁରୀ: ଅତ୍ୟାବଶ୍ୟକ ସାମଗ୍ରୀର ଦର ଧାର୍ଯ୍ୟ କଲା ପୁରୀ ପ୍ରଶାସନ । ଲକଡାଉନ କଟକଣାର ସୁଯୋଗ ନେଇ କିଛି ଅସାଧୁ ବ୍ୟବସାୟୀ ଚଢା ଦରରେ ବିଭିନ୍ନ ସାମଗ୍ରୀ ବିକ୍ରି କରୁଥିଲେ । ଏପରି ଅଭିଯୋଗ ଆସିବା ପରେ,ପ୍ରଶାସନ ଏପରି ପଦକ୍ଷେପ ଗ୍ରହଣ କରିଛି । ଧାର୍ଯ୍ୟ ଦର ଠାରୁ ଅଧିକ ଦରରେ କେହି ବିକ୍ରି କଲେ ସେମାନଙ୍କ ବିରୋଧୀରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି । ଏପରିକି ସମ୍ପୃକ୍ତ ଦୋକାନୀ ଓ ଗୋଦାମ ମାଲିକଙ୍କୁ ଗିରଫ କରାଯିବା ସହ ଦୋକାନ ସିଲ କରିବାକୁ ପ୍ରଶାସନ ଚେତାବନୀ ଦେଇଛି । ଅନ୍ୟପଟେ ପ୍ରଶାସନ ପକ୍ଷରୁ ଗଠିତ ସ୍ବତନ୍ତ୍ର ଟିମ ଓ ମାର୍କେଟ ଇନ୍ସପେକ୍ଟର ବିଭିନ୍ନ ତେଜରାତି ଦୋକାନ,ଗୋଦାମ ବୁଲି ଦର ଯାଞ୍ଚ କରିବା ସହ ଷ୍ଟକର ତାଲିକା ପ୍ରସ୍ତୁତ କରିଛନ୍ତି ।
| ଅତ୍ୟାବଶ୍ୟକ ସାମଗ୍ରୀ | 1 କିଲୋ | ଦର |
|---|---|---|
| ଏ ଗ୍ରଡ ଅରୁଆ ଚାଉଳ | 27-38 | |
| ଏ ଗ୍ରଡ ଉଷୁନା ଚାଉଳ | 36 | |
| ଚକି ଅଚା | 35 | |
| ମିଲ ଅଟା | 18 | |
| ଡାଲି | 65-72 | |
| ତେଲ | 78-115 | |
| ଚିନି | 42 | |
| ଆଳୁ | 22 | |
| ପିଆଜ | 28 |
ତେବେ ଦର ତାଲିକା ସବୁ ଦୋକାନରେ ଲଗାଇବାକୁ କୁହାଯାଇଛି । ଏହି ଦର ତାଲିକା ନ ଲଗାଇଲେ କାର୍ଯ୍ୟନୁଷ୍ଠାନ ଗ୍ରହଣ କରାଯିବ । ସେପଟେ କୋରୋନା ସହାୟତା ବଣ୍ଟନରେ ଅନିୟମିତତା ଅଭିଯୋଗରେ ପୁରୀ ପୌରାଞ୍ଚଳର ପିଡ଼ିଏସ ରିଟେଲରଙ୍କ ଲାଇସେନ୍ସ ବାତିଲ କରାଯାଇଛି । ଏବେ ପିଡ଼ିଏସ ବଣ୍ଟନ ଦାୟିତ୍ବ ସହକାରୀ ଜିଲ୍ଲା ଯୋଗାଣ ଅଧିକାରୀଙ୍କୁ ଦିଆଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
