ପୁରୀ: ଶୁକ୍ରବାର ମହାପ୍ରଭୁଙ୍କ ସ୍ନାନଯାତ୍ରା । ତେବେ କୋଭିଡ 19 ସଂକ୍ରମଣ ଆଶଙ୍କାକୁ ଦେଖି ଭକ୍ତ ପାଇଁ କଟକଣା ଜାରି କରିଛି ଜିଲା ପ୍ରଶାସନ । ସ୍ନାନ ମଣ୍ଡପ ସାମ୍ନା ବଡ଼ ଦାଣ୍ଡରେ ଲୋକଙ୍କ ଭିଡ଼ ହେବା ଆଶଙ୍କାକୁ ଦେଖି ପ୍ରଶାସନ 144 ଧାରା ଜାରି କରିଛି । କୌଣସି ବ୍ୟକ୍ତି ବଡ଼ ଦାଣ୍ଡରେ ସ୍ନାନ ଯାତ୍ରା ଦିନ ଏକାଠି ହୋଇ ପାରିବେ ନାହିଁ ସେ ନେଇ 144 ଧାରା ଜାରି ହେବ । ତେବେ ଏହି ବ୍ୟବସ୍ଥାକୁ ପୁରୀର ବିଧାୟକ ଜୟନ୍ତ ଷଡ଼ଙ୍ଗୀ ବିରୋଧ କରିଛନ୍ତି ।
ଯେତେବେଳେ ବନ୍ଦେ ଉତ୍କଳ ଜନନୀ କାର୍ଯ୍ୟକ୍ରମରେ ବଡ଼ ଦାଣ୍ଡ ହଜାର ହଜାର ଲୋକ ଏକାଠି ହୋଇ ପାରିଲେ ସେତେବେଳେ ମହାପ୍ରଭୁଙ୍କ ସ୍ନାନ ଯାତ୍ରାରେ ଭକ୍ତ ଙ୍କ ଉପସ୍ଥିତି ସାମାଜିକ ଦୂରତ୍ବରେ କାହିଁକି ଅନୁମତି ଦିଆଯିବ ନାହିଁ ବୋଲି ସେ ସରକାର ଓ ପ୍ରଶାସନକୁ ପ୍ରଶ୍ନ କରିଛନ୍ତି । ଦୀର୍ଘ 2 ମାସ ହେବ ପୁରୀ ବସିନ୍ଦା ମହାପ୍ରଭୁଙ୍କ ଦର୍ଶନ ପାଇବାରେ ବଞ୍ଚିତ ହୋଇଛନ୍ତି । ଏଣୁ ସ୍ନାନଯାତ୍ରାରେ ଏଭଳି 144 ଧାରା କଟକଣା ଠିକ ନୁହେଁ ବୋଲି ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ କହିଛନ୍ତି ।
