ପୁରୀ: ସାରା ବିଶ୍ବରେ ଏବେ ରାଜ କରୁଛି କୋରୋନା । ଯାହାକୁ ନେଇ ସାରା ଦେଶକୁ ଲକଡାଉନ ଘୋଷଣା କରିଛନ୍ତି ସରକାର । ତେବେ ଏହାକୁ ଧର୍ଯ୍ୟର ସହିତ ଭାରତବାସୀ ଏକାଠି ହୋଇ ପାଳନ କରିବାକୁ ବାର୍ତା ଦେଇଥିବା ‘ମୁସ୍କରାଏଗା ଇଣ୍ଡିଆ’ ଗୀତ ଏବେ ସାରା ଦେଶରେ ଚହଳ ପକାଇଛି । ଏହି ସୁନ୍ଦର ଗୀତକୁ ନେଇ ପୁରୀରେ ବିଶିଷ୍ଟ ବାଲୁକାଶିଳ୍ପୀ ସୁଦାମ ପ୍ରଧାନ ଏକ ଅତ୍ୟନ୍ତ ଆକର୍ଷଣୀୟ ସ୍ୟାଣ୍ଡ ଆର୍ଟ ଆନିମେସନ ବନାଇଛନ୍ତି ।
ଯେଉଁ ସ୍ୟାଣ୍ଡ ଆର୍ଟ ଆନିମେସନରେ କୋଭିଡ଼ 19 ଭୁତାଣୁଠାରୁ ଜନସାଧାରଣଙ୍କୁ ରକ୍ଷା ପାଇବା ପାଇଁ ଦିନ ରାତି କାର୍ଯ୍ୟ କରୁଥିବା ଡାକ୍ତର , ମେଡ଼ିକାଲ କର୍ମଚାରୀ, ପୋଲିସ , ଗଣମାଧ୍ୟମ , ସମାଜସେବୀ , ସାମାଜିକ ସଂଗଠନ ସମେତ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଷ୍ଠାପର ଉଦ୍ୟମକୁ ପ୍ରଶଂସା କରାଯାଇଛି । ଏହା ସହ ଏହି ସ୍ୟାଣ୍ଡ ଆର୍ଟ ଆନିମେସନରେ ଜନସାଧାରଣଙ୍କୁ ଘରେ ରୁହନ୍ତୁ ,ସୁରକ୍ଷିତ ରୁହନ୍ତୁ ବୋଲି ବାର୍ତ୍ତା ମଧ୍ୟ ରହିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
