ପୁରୀ: ଚଳିତବର୍ଷ ବିନା ଭକ୍ତରେ ରଥଯାତ୍ରା ଅୟୋଜନ ନେଇ ପୁରୀ ଜିଲ୍ଲା ପ୍ରଶାସନ ତରଫରୁ ପ୍ରସ୍ତୁତି ସରିଛି । ଆସନ୍ତା କାଲି(ଗୁରୁବାର) ଠାରୁ ରଥଯାତ୍ରାରେ ସମ୍ପୃକ୍ତ ଥିବା ସେବାୟତଙ୍କର ଆରଟିପିସିଆର ଟେଷ୍ଟ ହେବ । ତେଣୁ, ସେବାୟତ ମାନେ କୋଭିଡ ଟେଷ୍ଟ କରାଇ ନେବାକୁ ପୁରୀ ଜିଲ୍ଲାପାଳ ଅନୁରୋଧ କରିଛନ୍ତି ।
ସେହିପରି ସମସ୍ତ ସେବାୟତଙ୍କ ଡବଲ ଡୋଜ କୋଭିଡ ଟିକା ଦେବାର ବ୍ୟବସ୍ଥା ହୋଇଛି । ତେଣୁ ଯେଉଁ ସେବାୟତ ମାନେ ରଥଯାତ୍ରାରେ ସାମିଲ ହେବେ ସେମାନେ ଡବଲ ଡୋଜ ଟିକା ନେବାକୁ ଜିଲ୍ଲାପାଳ କହିଛନ୍ତି । ଏନେଇ କୋଭିଡ ପରୀକ୍ଷା କେନ୍ଦ୍ର ଓ ଟୀକାକରଣ ପ୍ରସ୍ତୁତ କେନ୍ଦ୍ର ହୋଇଛି । ସେଠାରେ ଯାଇ କୋଭିଡ ଟେଷ୍ଟ ଓ କୋଭିଡ ଟିକା ନେବାକୁ ଜିଲ୍ଲାପାଳ ଆବେଦନ କରିଛନ୍ତି ।
ଚଳିତ ରଥଯାତ୍ରାରେ କେବଳ ସେବାୟତ ମାନେ ରଥ ଟାଣିବେ । ସରକାରଙ୍କ କୋଭିଡ ଗାଇଡ଼ଲାଇନ ଅନୁଯାୟୀ ଯେଉଁ ସେବାୟତଙ୍କ RTPCR ରିପୋର୍ଟ ନେଗେଟିଭ ଥିବ ଓ ଡବଲ ଡୋଜ କୋଭିଡ ଟିକା ନେଇଥିବେ ସେମାନେ ହିଁ କେବଳ ରଥଯାତ୍ରାରେ ସାମିଲ ହୋଇପାରିବେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
