ବ୍ରହ୍ମଗିରି: ଗୋପାଳପୁରରୁ ଦୀଘା ଭାୟା ଚିଲିକା ଦେଇ ଭାରତମାଳା ଯୋଜନାରେ ନିର୍ମାଣ ହେବାକୁ ଥିବା ବ୍ରିଜ ଓ ଜାତୀୟ ରାଜପଥ ନିର୍ମାଣ କାର୍ଯ୍ୟ ସ୍ଥଗିତ ରଖାଯାଇଛି । ଯାହାର ପ୍ରତିବାଦରେ ସାଧାରଣ ନାଗରିକମଞ୍ଚ ପୁରୀ ସାତପଡା ରାଜପଥକୁ ଖଣ୍ଡୁଆଳ ଛକଠାରେ ଅବରୋଧ କରିଛି ।
ଭାରତମାଳା ଯୋଜନା ସ୍ଥଗିତ ନେଇ ରାଜପଥ ଅବରୋଧ
ଭାରତମାଳା ଯୋଜନାରେ ଏହି ନିର୍ମାଣ କାର୍ଯ୍ୟ ପାଇଁ କେନ୍ଦ୍ର ସରକାର ବ୍ୟୟ ଅଟକଳ କରିଥିବାବେଳେ ରାଜ୍ୟ ସରକାର ଏହାକୁ ସ୍ଥଗିତ କରୁଥିବା ମଞ୍ଚ ପକ୍ଷରୁ ଅଭିଯୋଗ ହୋଇଛି । ଅପରପକ୍ଷେ ସାତପଡା ବୁଲିବାକୁ ଆସୁଥିବା ପର୍ଯ୍ୟଟକମାନଙ୍କୁ ବ୍ରହ୍ମଗିରି ଥାନା ସମ୍ମୁଖରେ ପୋଲିସ ଅଟକାଇ ଫେରାଉଛନ୍ତି । ଯାହାକୁ ନେଇ ପର୍ଯ୍ୟଟକମାନେ ଅସନ୍ତୋଷ ପ୍ରକାଶ କରିଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
