ବ୍ରହ୍ମଗିରି: ଚିଲିକା ରାଜହଂସ ନିକଟରେ 1ମାସ ରୁ ଉର୍ଦ୍ଧ୍ବ ଦିନ ଧରି ଫସି ରହିଛି ମାଲେସିଆ ଜାହାଜ 'ଜିନ୍ ହ୍ୱା-32' । ଜାହାଜରୁ ପ୍ରଥମେ ପ୍ରାଥମିକ ପର୍ଯ୍ୟାୟରେ ତେଲ କଢା ଯିବା ପରେ ଏବେ ଗନ୍ତବ୍ୟସ୍ଥଳକୁ ନେଇଯିବାକୁ ପ୍ରକ୍ରିୟା ଆରମ୍ଭ ହୋଇଛି । 'ଜିନ୍ ହ୍ୱା-32' କୁ ନେବା ପାଇଁ ଶନିବାର ସିଙ୍ଗାପୁରରୁ 'ଏମ ଡ଼ି ଚିତା' ନାମକ ଏକ ଜାହାଜ ପହଁଚିଛି ।
ରବିବାର ଦିନ ମାଲେସିଆ ଜାହାଜର ସ୍ଥାନାନ୍ତର ପ୍ରକ୍ରିୟା ଆରମ୍ଭ ହୋଇଯାଇଛି । ଜାହାଜରେ ଆସିଥିବା 10 ଜଣ କୁଶଳୀ କାରିଗର ଏଥିରେ ନିୟୋଜିତ ହୋଇଛନ୍ତି । ଏହାସହ ସ୍ଥାନୀୟ ଲୋକଙ୍କ ସମେତ ଟ୍ରାକ୍ଟର ଓ ଡୋଜରକୁ ମଧ୍ୟ ବ୍ୟବହାର କରାଯାଇଛି । ସିଙ୍ଗାପୁରରୁ ଆସିଥିବା ଜାହାଜଟି କୂଳ ଠାରୁ 1କି.ମି ଦୂରରେ ରହିଛି । ସେହିଠାରୁ ହିଁ ଦଉଡି ସାହାଯ୍ୟରେ ଅକାମି ଜାହାଜକୁ ଟାଣି ନେବ ବୋଲି ସୂଚନା ମିଳିଛି ।
ଅଗଷ୍ଟ 7 ତାରିଖରେ ହିଁ ଜାହାଜଟି ରାଜହଂସ ନିକଟ ସମୁଦ୍ର କୂଳରେ ଲାଗିଥିଲା । ବାଲାଂଦେଶରୁ ଭାଇଜାକ ଯାଉଥିବା ସମୟରେ ସମୁଦ୍ର ଭିତରେ ଯାନ୍ତ୍ରିକ ତ୍ରୁଟି କାରଣରୁ ଅଚଳ ହୋଇପଡ଼ିଥିଲା ମାଲେସିଆ ଜାହାଜ । ପରେ ଭାସି ଆସି ରାଜହଂସ କୂଳରେ ଲାଗିଥିଲା ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
