ପୁରୀ: ଚଳିଚ ବର୍ଷ ପାଇଁ ଦାରୁବ୍ରହ୍ମଙ୍କ ଘୋଷଯାତ୍ରା ପାଇଁ ଆରମ୍ଭ ହୋଇଛି ପ୍ରସ୍ତୁତି । ସୋମବାର ଏନେଇ ଏକ ବୈଠକ ଅନୁଷ୍ଠିତ ହେବା ସହ ଏକ 4 ଜଣିଆ ପ୍ରତିନିଧି ମଣ୍ଡଳୀ ଗଠନ ହୋଇଛି । ରଥକାଠ ଚିହ୍ନଟ ଓ ସଂଗ୍ରହ ପାଇଁ ଏହି ପ୍ରତିନିଧି କାମ କରିବେ । ମଙ୍ଗଳବାର ପ୍ରତିନିଧି ମଣ୍ଡଳୀ ନୟାଗଡ ଗସ୍ତ କରି ମାଆ ବଡ ରାଉଳ ଠାକୁରାଣୀଙ୍କ ନିକଟରେ ପୂଜାର୍ଚ୍ଚନା କରିବା ସହ ରଥକାଠ କଟାଯିବ । ସରସ୍ବତୀ ପୂଜା ପୂର୍ବରୁ 3ଟି ଧଉରା କାଠ ଶ୍ରୀକ୍ଷେତ୍ର ଆସିବ । ସରସ୍ବତୀ ପୂଜା ଦିନ ତିନି ରଥ ନିର୍ମାଣର ପରମ୍ପରା ରହିଛି ।
ରଥ ନିର୍ମାଣ ପାଇଁ ପ୍ରସ୍ତୁତି ଆରମ୍ଭ
ତେବେ ମହାପ୍ରଭୁଙ୍କ ରଥ ନିର୍ମାଣ ପାଇଁ 8 ଶହ 65 ଖଣ୍ଡ କାଠ ଆବଶ୍ୟକତା ଥିବାବେଳେ ଗତବର୍ଷ ରଥଯାତ୍ରାରେ 193 ଖଣ୍ଡ କାଠ ବଳକା ଗଚ୍ଛିତ ଅଛି । ତେଣୁ ଚଳିତ ବର୍ଷ ରଥ ନିର୍ମାଣ ପାଇଁ 672 ଖଣ୍ଡ କାଠ ନୟାଗଡ ବନଖଣ୍ଡରୁ ଶ୍ରୀକ୍ଷେତ୍ର ଆସିବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
