ପୁରୀ: ସାଧାରଣ ଥଣ୍ଡା ଓ କାଶ ପାଇଁ କୌଣସି ରୋଗୀ ପୁରୀ ମୁଖ୍ୟ ମେଡିକାଲକୁ ନଆସିବା ପାଇଁ ଅନୁରୋଧ କରିଛନ୍ତି ପୁରୀ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ନୀଳକଣ୍ଠ ମିଶ୍ର । ଡାକ୍ତର ମିଶ୍ର କହିଛନ୍ତି କଲେରା ୱାର୍ଡ କିମ୍ବା ଫ୍ଲୁ ୱାର୍ଡକୁ ଯାଇ ଡାକ୍ତରଙ୍କ ପରାମର୍ଶ କରନ୍ତୁ ।
ହସ୍ପିଟାଲ ଆସିବା ନିହାତି ଆବଶ୍ୟକ ଥିଲେ ମାସ୍କ ପିନ୍ଧି ଯଥା ସମ୍ଭବ ସୁରକ୍ଷିତ ହୋଇ ଆସିବାକୁ ପରାମର୍ଶ ଦିଆଯାଇଛି । ଏହାସହ ଫୋନ କରି ମଧ୍ୟ ଡାକ୍ତରଙ୍କ ପରାମର୍ଶ ନେବାକୁ ସେ ଅନୁରୋଧ କରିଛନ୍ତି । ଆବଶ୍ୟକ ସ୍ଥଳେ ଡାକ୍ତର ରୋଗୀଙ୍କ ଘରକୁ ଯାଇ ଚିକିତ୍ସା କରିବେ ବୋଲି ସେ କହିଛନ୍ତି ।
ସୂଚନାଯୋଗ୍ୟଯେ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଏବେ କୋଭିଡ-19 ପାଇଁ ସ୍ବତନ୍ତ୍ର ୱାର୍ଡ କରାଯାଇଛି । ତେଣୁ ସାଧାରଣ ଲୋକଙ୍କ ସୁରକ୍ଷା ପାଇଁ ଏହି ନିଷ୍ପତି ଗ୍ରହଣ କରାଯାଇଛି । ଫଳରେ ଜ୍ବର, ଥଣ୍ଡା, କାଶ ଥିବା ରୋଗୀ ମାନେ ପୁରୀ ମେଡିକାଲର ହେଲ୍ପ ଲାଇନ ନମ୍ବରକୁ ଫୋନ କରି ଚିକିତ୍ସା ସହାୟତା ନେବାକୁ ପୁରୀ ଜିଲା ମୁଖ୍ୟ ଚିକିତ୍ସା ଅଧିକାରୀ ଅନୁରୋଧ କରିଛନ୍ତି । ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟର ହେଲ୍ପ ଲାଇନ ନମ୍ବର ହେଉଛି 222175, 232074 ସେହିପରି ମୋବାଇଲ ହେଲ୍ପ ଲାଇନ ନମ୍ବର ହେଉଛି 8480156847 ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
