ପୁରୀ: ବେଆଇନ ପଥର ଓ ବାଲି ଚାଲାଣ ଉପରେ ଆହୁରି ଦୃଢ଼ କାର୍ଯ୍ୟାନୁଷ୍ଠାନ ନେବ ପୁରୀ ପ୍ରଶାସନ । ଗତ 4 ଦିନ ହେବ 30ରୁ ଉର୍ଦ୍ଧ୍ବ ବ୍ୟକ୍ତି ଏହି ଚୋରା ଚାଲାଣ ଅଭିଯୋଗରେ ଗିରଫ ହୋଇ ଥିବା ବେଳେ 20ରୁ ଅଧିକ ଟ୍ରକ, ଟ୍ରାକ୍ଟର ଜବତ ହୋଇଛି । ସେହିପରି ବିଭିନ୍ନ ଅଞ୍ଚଳରୁ ବେଆଇନ ବାଲି ଚୋରା ଚାଲାଣ ଉପରେ ମଧ୍ୟ ଚଢ଼ାଉ ଜାରି ରହିଛି ପ୍ରଶାସନ । ଏପରିକି ବଡ଼ ଆକାରର ଜୋରିମାନା କରାଯାଉଥିବା ବେଳେ ବାଲି ଓ ପଥର ମାଫିଆଙ୍କ ବିରୋଧରେ ଏଣିକି କୋର୍ଟରେ ମାମଲା ରୁଜୁ କରାଯାଉଛି । ଯଦ୍ବାରା ମାଫିଆଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିହେବ ।
ତେବେ ଏ ନେଇ ବିଭିନ୍ନ ମହଲରେ ଅଭିଯୋଗ ପରେ ଜିଲ୍ଲା ପ୍ରଶାସନ ପକ୍ଷରୁ ବେଆଇନ ପଥର ଓ ବାଲି ଚୋରା ଚାଲାଣ ଉପରେ ଚଢ଼ାଉ କରାଯାଇ ଏଥିରେ ସାମିଲ ଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉଛି । ଅଗାମୀ ଦିନରେ ଏହି ଚଢଉ ଆହୁରି ଜୋରଦାର ହେବ ବୋଲି ପୁରୀ ଉପଜିଲ୍ଲାପାଳ କହିଛନ୍ତି । ସେପଟେ ପଥରଖଣି ଓ ବାଲି ଘାଟର ନିଲାମ ପାଇଁ ଖୁବ ଶିଘ୍ର ପ୍ରଶାସନ ଵ୍ୟଵସ୍ଥା କରୁଥିବା କୁହାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
