ପୁରୀ: ଡିସେମ୍ବର 1ରୁ 5 ତାରିଖ 5 ଦିନ ଧରି ଚାଲିବ କୋଣାର୍କ ଉତ୍ସବ-2019 । ଏଥିପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ । ଓଡିଶାର କଳାକୃତିକୁ ନେଇ କାରିଗରଙ୍କ ଦ୍ବାରା ମୁକ୍ତାକାଶ ରଙ୍ଗମଞ୍ଚ ସଜେଇ ହେଉଥିବା ବେଳେ ବାଲୁକା ଶିଳ୍ପୀଙ୍କ ପାଇଁ ପ୍ରସ୍ତୁତ ଚନ୍ଦ୍ରଭାଗା ପୀଠ ।
ଚଳିତ ବର୍ଷ କୋଣାର୍କ ଉତ୍ସବ ସହ ବାଲୁକା ମହୋତ୍ସବକୁ ମଧ୍ୟ ଆକର୍ଷଣୀୟ କରିବାକୁ ପ୍ରୟାସ କରାଯାଇଛି । 5 ଦିନିଆ ଏହି କୋଣାର୍କ ଉତ୍ସବରେ ମୁକ୍ତାକାଶ ରଙ୍ଗ ମଞ୍ଚରେ ନାମୀଦାମୀ କଳାକାରମାନଙ୍କ ଦ୍ଵାରା ନୃତ୍ୟ ପରିବେଷଣ କରିବେ । ବିଶେଷ କରି ଓଡିଶୀ, କଥକ, ମୋହିନନାଟ୍ୟମ, କୁଚୁପୁଡି, ଭାରତନାଟମ୍ୟ ସହିତ ଡ୍ୟାନସ ଅପ୍ ଇଣ୍ଡୋନେସିଅ।ର ନୃତ୍ୟକୁ ମନୋଭରୀ ଉପଭୋଗ କରିବାର ସୁଯୋଗ ପାଇବେ ଦର୍ଶକ । ଏହା ସହିତ ଯୁକ୍ତରାଷ୍ଟ୍ର ଅ।ମେରିକା, ଅ।ୟାରଲାଣ୍ଡ, ଋଷିଅ।, କାନାଡା, ଟଗୋ, ଶ୍ରୀଲଙ୍କା ଅ।ଦି ଦେଶବିଦେଶର 123 ଜଣ ବାଲୁକା ଶିଳ୍ପୀ ଆୟୋଜିତ ବାଲୁକା ମହୋତ୍ସଵ କାର୍ଯ୍ୟକ୍ରମରେ ଭାଗ ନେବେ ।
ତେବେ ଏହି 5 ଦିନ ମଧ୍ୟରେ ବାଲୁକା କଳାକାରମାନେ ସେମାନଙ୍କ ନିଖୁଣ କଳା ଦ୍ଵାରା ବାଲି ମାଧ୍ୟମରେ ପ୍ରକୃତି ପର୍ଯ୍ୟଟନ, ସଂସ୍କୃତି ଓ ପର୍ଵ ପର୍ବାଣୀ, ମହିଳା ସଶକ୍ତିକରଣ, ପ୍ଲାଷ୍ଟିକକୁ ନା ଏବଂ ଐତିହର ବାର୍ତ୍ତା ଦେବେ । ସେପଟେ କୋଣାର୍କ ଉତ୍ସବ କିଭଳି ଭାବରେ ସ୍ବଚାରରୂପରେ ଅନୁଷ୍ଠିତ ହେବ ସେ ନେଇ ଜିଲ୍ଲା ପ୍ରଶାସନ ପକ୍ଷରୁ ରୁଟ ମ୍ୟାପ କରାଯାଇଛି ।
ଉକ୍ତ କାର୍ଯ୍ୟକ୍ରମ ସମୟରେ ଟ୍ରାଫିକ ସମସ୍ୟା ନଉପୁଜେ ସେ ନେଇ ସ୍ଵତନ୍ତ୍ର ବ୍ୟବସ୍ଥା କରାଯାଇଛି । ଚଳିତ ବର୍ଷ କୋଣାର୍କ ଉତ୍ସବକୁ ଆସୁଥିବା ଦେଶ ବିଦେଶର ପର୍ଯ୍ୟଟକମାନଙ୍କ ସୁରକ୍ଷା ନିମନ୍ତେ ବ୍ୟାପକ ସୁରକ୍ଷା ବ୍ୟବସ୍ଥା କରାଯିବ ବୋଲି ପୁରୀ ଅତିରିକ୍ତ ଜିଲ୍ଲାପାଳ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
