ଭୁବନେଶ୍ବର: ନିମାପଡା ସ୍ବୟଂଶାସିତ ମହାବିଦ୍ୟାଳୟରେ ରାଗିଂ ହେଉଥିବା ଅଭିଯୋଗ ଆଣିଲେ ଯୁକ୍ତ ତିନି ବିଜ୍ଞାନ ବିଭାଗରେ ପଢୁଥିବା ଛାତ୍ରୀ ରୋଜାଲିନୀ ବିଶ୍ବାଳ । ତାଙ୍କୁ ଗତ ୩ ମାସ ଧରି କଲେଜର ୨ ସିନିୟର ଛାତ୍ରୀ ରାଗିଂ କରି ଆସୁଥିବା ସେ ଆଜି ସାମ୍ବାଦିକ ସମ୍ମିଳନୀ ମାଧ୍ୟମରେ ଅଭିଯୋଗ କରିଛନ୍ତି । ଏହାସହିତ ୪ ଜଣ ଯୁବକ ଏସିଡ଼ ମାଡ଼ ପାଇଁ ଧମକ ଦେଇଥିବା ସେ କହିଛନ୍ତି ।
ରୋଜାଲିନୀଙ୍କ ଅଭିଯୋଗ ଅନୁସାରେ, ନିମାପଡ଼ା ସ୍ବୟଂଶାସିତ ମହାବିଦ୍ୟାଳୟର ହଷ୍ଟେଲରେ ରହି ରୋଜାଲିନୀ ଯୁକ୍ତ ତିନି ବିଜ୍ଞାନ ବିଭାଗରେ ପାଢ ପଢୁଥିଲେ। ହଷ୍ଟେଲରେ ଅହେତୁକ ରାଗିଂ କରାଯାଉଥିବା ଅଭିଯୋଗ ଆଣିଛନ୍ତି। ଏହାସହ ହଷ୍ଟେଲର ୨ ଛାତ୍ରୀ ଯାହାଙ୍କ ନାମ ପ୍ରକାଶ କରିଛନ୍ତି ରୋଜାଲିନୀ । ଏହି ଦୁଇ ସିନିୟର ଛାତ୍ରୀ ଅନ୍ତେବାସୀ ରୋଜାଲିନୀଙ୍କ ନମ୍ବର କିଛି ଯୁବକଙ୍କୁ ଦେବା ସହ କିଛି ୪ ଜଣ ଯୁବକ ରୋଜାଲିନୀଙ୍କୁ ଫୋନ କରି ଗାଳିଗୁଲଜ କରିବା ସହ ଏସିଡ଼ ମାଡ କରିବାକୁ ଧମକ ଦେଉଛନ୍ତି ବୋଲି ସେ ଅଭିଯୋଗ ଆଣିଛନ୍ତି । ଏହି ୨ ସିନିୟର ରୋଜାଲିନୀଙ୍କୁ ହଷ୍ଟେଲର ବିଭିନ୍ନ କାମରେ ଲଗାଉଥିଲେ।
ଏହା ସହ ହଷ୍ଟେଲରେ ବସ ଉଠ ମଧ୍ୟ କରାଉଥିଲେ। ଏନେଇ ବାରମ୍ବାର ରାଗିଂ ହେବାରୁ ଉକ୍ତ ହଷ୍ଟେଲର ଇନଚାର୍ଜଙ୍କୁ ଜଣାଇବା ସହ କଲେଜର ପ୍ରିନ୍ସିପାଲଙ୍କୁ ମଧ୍ୟ ଜଣାଇଥିଲେ । କିନ୍ତୁ ଯେଉଁ ଦୁଇ ସିନିୟର ରାଗିଂ କରୁଥିବା ଅଭିଯୋଗ ଆସିଥିଲା ସେମାନଙ୍କ ସହ କମ୍ପରମାଇଜ କରିବାକୁ ପୋଲିସ ସମେତ ପ୍ରିନ୍ସିପାଲ ଓ ନିମାପଡା ବିଧ୍ୟାୟକ ସମୀର ରଞ୍ଜନ ଦାସ ମଧ୍ୟ ରୋଜାଲିନୀଙ୍କୁ କହିଥିଲେ ବୋଲି ଅଭିଯୋଗ କରିଛନ୍ତି । କିନ୍ତୁ ଯେଉଁ ୪ଜଣ ଯୁବକ ରୋଜାଲିନୀଙ୍କୁ ଫୋନରେ ଗାଳିଗୁଲଜ କରିବା ସହ ଏସିଡ଼ ମାଡ଼ କରିବାକୁ ଧମକ ଦେଉଥିଲେ, ସେମାନଙ୍କୁ ସମ୍ମାନକୁ ଆଞ୍ଚ ନ ଆଣିବାକୁ ମଧ୍ୟ ବାଧ୍ୟ କରାଯାଉଥିବା କହିଛନ୍ତି ରୋଜାଲିନୀ ।
ଏହା ବି ପଢନ୍ତୁ- ପୁରୁଣା ଗାଡି ବିକ୍ରିରେ ଜିଏସଟି ଜାଲିଆତି, ଜଳେଶ୍ବର ମୋଟର୍ସରେ ଚଢାଉ କଲା DGGI
କିନ୍ତୁ ଏଠି ପ୍ରଶ୍ନ ଉଠୁଛି କେଉଁ ୪ ଜଣ ଯୁବକ ଯେଉଁମାନଙ୍କୁ ଘଣ୍ଟ ଘଡ଼ାଉଛନ୍ତି ଉଭୟ ଥାନା ଅଧିକାରୀ ଏବଂ ପ୍ରିନ୍ସିପାଲ ସମେତ ବିଧାୟକ ସମୀର ରଞ୍ଜନ ଦାସ । ଏହି ୪ ଜଣ ଯୁବକଙ୍କୁ କାହିଁକି ଘଣ୍ଟ ଘୋଡାଯାଉଛି ? ଏମାନେ କାହା ବଳରେ ବଳୀୟାନ ? ନିକଟରେ ବିଜେବି କଲେଜରେ ଜଣେ ଛାତ୍ରୀ ରାଗିଂର ଶିକାର ହୋଇ ଜୀବନ ହରାଇଥିବା ଅଭିଯୋଗ ହୋଇଛି । ଏହା ପରେ ଆଣ୍ଟି ରାଗିଂ ସେଲକୁ ଆକ୍ଟିଭ କରାଯାଇଥିଲା । ତେବେ ପୁଣିଥରେ ଜଣେ ଛାତ୍ରୀ ଯଦି ରାଗିଂର ଶିକାର ହେଉଛନ୍ତି ତେବେ ଅଭିଯୋଗ ଆଧାରରେ କୌଣସି କାର୍ଯ୍ୟନୁଷ୍ଠାନ ହେଉ ନାହି କାହିଁକି ଏଠାରେ ପ୍ରଶ୍ନ ଉଠିଛି ।
କେବଳ କମ୍ପରମାଇଜ କରିବାକୁ ଆଗକୁ ଆସୁଛନ୍ତି କଲେଜ କର୍ତ୍ତୃପକ୍ଷ। ଏନେଇ ରୋଜାଲିନୀ କହିଛନ୍ତି, " ଆଗକୁ ପରୀକ୍ଷା ଅଛି। ତେଣୁ ଏହି ଘଟଣାକୁ ନେଇ ଥାନାରେ ମାମଲା କରିବା ପରେ ଅଧିକ ଧମକ ଆସିଥିଲା । ତେବେ ମୋତେ ପାଠ ପଢିବାକୁ ଅନୁମତି ଦିଆଯାଉ ନ ହେଲେ ଆତ୍ମହତ୍ୟା କରିବି ।" ଏପରି କି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଜଣାଇବେ ବୋଲି ସେ ସାମ୍ବାଦିକ ସମ୍ମିଳନୀରେ କହିଛନ୍ତି ।
ଇଟିଭି ଭାରତ, ଭୁବନେଶ୍ବର
