ପୁରୀ: ପୁରୀର ନୂଆ ଯୁବରାଜ ଭାବେ ସୋସିଆଲ ମିଡିଆରେ ଭାଇରାଲ ହୋଇଥିବା ଫଟୋ ସମ୍ପୂର୍ଣ୍ଣ ଗୁଜବ ଅଟେ । ସୋସିଆଲ ମିଡିଆରେ ପୁରୀ ଗଜପତି ମହାରାଜାଙ୍କ ଏକ ଫଟୋ ଭାଇରାଲ ହୋଇଥିଲା । ଯାହାକୁ ନେଇ ଲୋକଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି ।
ତେବେ ଭାଇରାଲ ଫଟୋରେ ଜଣେ ରାଜା ବେଶରେ ଥିବା ବ୍ୟକ୍ତିଙ୍କ ସହ ମହାରାଜା ଓ ମହାରାଣୀଙ୍କୁ ଦେଖିବାକୁ ମିଳୁଛି । ସେହି ବ୍ୟକ୍ତି ଜଣଙ୍କ ମହାରାଜା ଶ୍ରୀ ଦିବ୍ୟସିଂହ ଦେବଙ୍କ ଉତ୍ତରାଧିକାରୀ ବୋଲି ଚର୍ଚ୍ଚା ହେଉଥିଲା ।
ତେବେ ରାଜନଅର ପକ୍ଷରୁ ଏହାକୁ ଖଣ୍ଡନ କରାଯାଇଛି । ଫଟୋରେ ଯୁବରାଜ ବେଶରେ ଥିବା ବ୍ୟକ୍ତି ଜଣଙ୍କ ନିଳଗିରି ରାଜା- ରାଣୀଙ୍କ ସୁପୁତ୍ର ବୋଲି ରାଜନଅର ପକ୍ଷରୁ ସ୍ପଷ୍ଟ କରାଯାଇଛି । ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଯାଇଥିବା ବେଳେ ଏହି ଫଟୋ ଉଠାଯାଇଥିବା ଜଣା ପଡିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
