ପୁରୀ: ବାଟମଙ୍ଗଳା ବଢ଼େଇବାଙ୍କ ନିକଟରେ ଅଘଟଣ । ଚଳନ୍ତା କାରରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ 2 ଜଣ । ସୂଚନା ଅନୁଯାୟୀ, ପୁରୀ ଶ୍ରୀକ୍ଷେତ୍ର କଲୋନୀର ହାୟତ ଖାଁଙ୍କ ଝିଅ ଫରିଦା ବେଗମ ଓ ସାକୀର ମହମ୍ମଦ ଏକ ଇଣ୍ଡିଗୋ କାରରେ ପୁରୀରୁ କଟକ ଯାଉଥିବା ବେଳେ ବଢେଇବାଙ୍କଠାରେ ହଠାତ କାରରେ ନିଆଁ ଲାଗିଯାଇଥିଲା।
ଚଳନ୍ତା କାରରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲା ୨ ଜଣଙ୍କ ଜୀବନ
ଡ୍ରାଇଭର ଜଣକ ଗାଡିରେ ନିଆଁ ଲାଗିଥିବା ଜାଣିପାରି ତୁରନ୍ତ ଗାଡିରୁ ବାହାରି ଆସିବା ସହ ଲୋକଙ୍କୁ କାରରୁ ବାହାରକୁ ଆଣିଥିଲେ । ଫଳରେ କାରରେ ଥିବା ୨ ଜଣଙ୍କ ଜୀବନ ବଞ୍ଚି ଯାଇଛି । ପରେ ଅଗ୍ନିଶମ ବିଭାଗକୁ ଖବର ଦେବା ପରେ ଦମକଳ ବାହିନୀ ଆସି ନିଆଁ ଲିଭାଇ ଥିଲେ। ତେବେ ସର୍ଟସର୍କିଟରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
