ପୁରୀ: ଯୁବକଙ୍କୁ ମରଣାନ୍ତକ ଆକ୍ରମଣ । ପୁରୀ ବାସେଳୀ ସାହି ଥାନା ଗୋଖା ସାହିର ବିଜୟ କୁମାର ପଣ୍ଡାଙ୍କୁ ମରଣାନ୍ତକ ଆକ୍ରମଣ ମାମଲାରେ ପୋଲିସ 3 ଜଣକୁ ଗିରଫ କରିଛି। ଏହି ଘଟଣାରେ ସମ୍ପୃକ୍ତ ନାବାଳକକୁ ଜୁଭେନାଇଲ କୋର୍ଟରେ ହାଜର କରାଯିବା ସମେତ ଅନ୍ୟ ଦୁଇ ଜଣ ସଂଜୟ ବେହେରା ଓ ରକ୍ସି ବେହେରାକୁ ପୋଲିସ ଗିରଫ କରିଛି।
ପୋଲିସର ସୂଚନା ମୁତାବକ ଗତ 9 ତାରିଖ ରାତି 10 ଟା 45 ରେ ବିଜୟ ମୋବାବଲରେ କଥା ହେଉଥିବା ବେଳେ ଏହି ତିନି ଅଭିଯୁକ୍ତ ତାଙ୍କୁ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସମେତ ଏକ ପାଇପ ଓ କାଠରେ ମରଣାନ୍ତକ ଆକ୍ରମଣ କରିଥିଲେ। ଏଥିରେ ବିଜୟ ଚେତା ଶୂନ୍ୟ ଅବସ୍ଥାରେ ତଳେ ପଡି ଯାଇଥିବା ବେଳେ ଅଭିଯୁକ୍ତମାନେ ତାଙ୍କୁ ଜିବନରୁ ମାରିଦେବାକୁ ଉଦ୍ୟମ କରିଥିଲେ। ଏପରିକି ତାଙ୍କ ବାପା ଓ ମା ଙ୍କୁ ଜୀବନରେ ମାରିଦେବାକୁ ଅଭିଯୁକ୍ତ ମାନେ ମଧ୍ୟ ଉଦ୍ୟମ କରିଥିଲେ।
ତେବେ ଘଟଣା ସମ୍ପର୍କରେ ପୋଲିସ ଖବର ପାଇ ଆହତକୁ ଉଦ୍ଧାର କରି ଚିକିତ୍ସା ନିମନ୍ତେ ପୁରୀ ମେଡ଼ିକାଲ ପଠାଇଥିଲା। ଏନେଇ ଏକ ମାମଲା ରୁଜୁ କରି ପୋଲିସ 3 ଜଣ ଅଭିଯୁକ୍ତଙ୍କୁ ଗିରଫ କରିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
