ଭୁବନେଶ୍ବର: ପଞ୍ଜାବୀ ଓ ମଙ୍ଗୁ ମଠ ଉଚ୍ଛେଦ ନେଇ ଘନାଉଛି ବିବାଦ । ବିଶେଷ କରି ମଙ୍ଗୁ ମଠ ଉଚ୍ଛେଦକୁ ନେଇ ଉଠୁଛି ପ୍ରତିବାଦର ସ୍ବର । ପୁରୀରେ ଥିବା ମଠ ଗୁଡିକର ସମ୍ପର୍କ ପ୍ରଭୁ ଜଗନ୍ନାଥଙ୍କ ସହ ଅତି ପୁରୁଣା । ଏଥିପାଇଁ ଏହାକୁ ଉଚ୍ଛେଦ ନକରିବାକୁ ବାରମ୍ବାର ଅନୁରୋଧ କରାଯାଉଛି ।
ସୂଚନାନୁସାରେ, ଲୋକଙ୍କ ମତକୁ କେନ୍ଦ୍ର କରି ବର୍ତ୍ତମାନ ମଙ୍ଗୁ ଓ ପଞ୍ଜାବୀ ମଠ ଉଚ୍ଛେଦ ବନ୍ଦ ରହିଛି । ଏପରିକି ଏନେଇ ସୁପ୍ରିମକୋର୍ଟରେ ମାମଲା ଦାୟର ହୋଇଛି । ଯାହାର ଶୁଣାଣି ଓଡିଶା ହାଇକୋର୍ଟ କରିବେ । ଯଦି ଉକ୍ତ ମାମଲାରେ କୌଣସି ବଳ ପୂର୍ବକ ଶୁଣାଣି ହୁଏ, ତେବେ ସୁପ୍ରିମକୋର୍ଟରେ ପୁନଃଅଭିଯୋଗ କରାଯିବ ।
ପୁରୀ ଶ୍ରୀମନ୍ଦିର 75 ମିଟର ସୁରକ୍ଷା ବଳୟକୁ ଦୃଷ୍ଟିରେ ରଖି କରାଯାଉଥିବା ଉଚ୍ଛେଦରେ ସମସ୍ତ ମଠକୁ ଭାଙ୍ଗି ମାଟିରେ ମିଶାଇ ଦିଆଯାଉଛି । ମଠ ବିନା ମନ୍ଦିର କିମ୍ବା ମନ୍ଦିର ବିନା ମଠର କୌଣସି ପରିଚୟ ନାହିଁ । ଏକଥା ରାଜ୍ୟ ସରକାର ବୁଝିବାର ଆବଶ୍ୟକ ରହିଛି । କାରଣ ରଥଯାତ୍ରା ସମୟରେ ଅନେକ ଲୋକ ଏହି ମଠ ଉପରେ ନିର୍ଭର କରିଥାନ୍ତି । ସେ ସମୟରେ ମଠ ଏକ ପ୍ରକାର ଏମ୍ବାସି ଭଳି କାମ କରେ ବୋଲି କହିଛନ୍ତି ଐତିହାସିକବିତ ଅନିଲ ଧୀର ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
