ବ୍ରହ୍ମଗିରି: ଦିନ ଦୁଇ ପ୍ରହରରେ ଘରେ ପଶି 35 ଭରି ସୁନା ସହ ଅନ୍ୟାନ୍ୟ ଆସବାବପତ୍ର ଲୁଟିନେଲେ ଚୋର । ବ୍ରହ୍ମଗିରି ଥାନା ଠାରୁ ମାତ୍ର 300 ମିଟର ଅଙ୍କିତାବିହାରରୁ ବଡ଼ ଧରଣର ଚୋରି ହୋଇଛି ।
ଦିନ ଦ୍ବିପ୍ରହରରେ ଥାନା ଠୁ 300 ମିଟର ଦୂରରେ ଲୁଟ
ଅଭିଯୋଗ ଅନୁଯାୟୀ,ବିଶ୍ବଭୂଷଣ ନାୟକଙ୍କ ଅଙ୍କିତାବିହାରରେ ଥିବା ଘରୁ ଚୋରି ହୋଇଛି । ଘରେ କେହି ନଥିବାର ସୁଯୋଗ ନେଇ ତାଲା ଭାଙ୍ଗି ଗଡ୍ରେଜ୍ ଭିତରୁ 35 ଭରି ସୁନା ଅଳଙ୍କାର, ଏଲଇଡି ଟିଭି, ବାସନ ସହିତ ଅନ୍ୟାନ୍ୟ ଆସବାପତ୍ର ଚୋରି ହୋଇଛି ।
ସନ୍ଧ୍ୟା ସମୟରେ ଘରକୁ ଫେରି ଚୋରି ହୋଇଥିବା ଜାଣିବାକୁ ପାଇଥିଲେ ଘରଲୋକେ । ପରେ ପୋଲିସରେ ପରିବାର ପକ୍ଷରୁ ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ଆସି ତଦନ୍ତ ଚଳାଇଛି । ଏପରି ଚୋରି କିଛି ମାସ ମଧ୍ୟରେ ବ୍ରହ୍ମଗିରିରେ ବାରମ୍ବାର ହେଉଥିଲେ ମଧ୍ୟ ପୋଲିସ ନିରବ ହୋଇ ରହୁଥିବା ଅଭିଯୋଗ ହେଉଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
