ବ୍ରହ୍ମଗିରିରେ ପଦ୍ମ ଫୁଟାଇଲେ ଲଳିତେନ୍ଦୁ

କଂଗ୍ରେସର ଗଡ଼ ବ୍ରହ୍ମଗିରିରେ ପଦ୍ମ ଫୁଟିଛି । ପ୍ରଥମ କରି ପଦ୍ମ ଫୁଟାଇଛନ୍ତି ଲଳିତେନ୍ଦୁ । ବଡ ଭାଇଙ୍କ ପରେ ସେ ଜିତିଛନ୍ତି ଆଉ ଅଞ୍ଚଳ ପାଇଁ କାମ କରିବେ ବୋଲି କହିଛନ୍ତି । ସେ ମଧ୍ୟ ବ୍ରହ୍ମଗିରିରେ ଲୁଲୁଙ୍କ ଲୋକପ୍ରିୟତା ବଜାୟ ରଖିଛନ୍ତି, ଆଗକୁ ମଧ୍ୟ ରଖିବେ ବୋଲି ଲଳିତେନ୍ଦୁ କହିଛନ୍ତି ।

ବ୍ରହ୍ମଗିରି: ଦିବଙ୍ଗତ ନେତା ଲୁଲୁ ମହାପାତ୍ରଙ୍କ ଗଡ ଥିବା ବ୍ରହ୍ମଗିରିରେ ହିଁ କଂଗ୍ରେସକୁ 2 ଥର ବିରୋଧି ସଂଜୟଙ୍କ ଠାରୁ ପରାଜୟର ସ୍ବାଦ ଚାଖିବାକୁ ପଡ଼ିଥିଲା । କିନ୍ତୁ ତାଙ୍କ ସାନଭାଇ ବିଜେପି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ବିଜେପିରେ ଯୋଗଦେଇ ବ୍ରହ୍ମଗିରିରେ ପ୍ରଥମ କରି ପଦ୍ମ ଫୁଟାଇଛନ୍ତି ।

ସେ ଲୁଲୁଙ୍କ ପରି ଲୋକପ୍ରିୟତା ବଜାୟ ରଖିବା ସହ ବ୍ରହ୍ମଗିରି ଜନସାଧାରଣଙ୍କ ସେବାରେ ନିଜକୁ ଅନବରତ ନିୟୋଜିତ ରଖିବେ ବୋଲି କହିଛନ୍ତି । ବିଜେଡ଼ିର ତୁଙ୍ଗ ନେତା ସଂଜୟ ଦାସବର୍ମାଙ୍କୁ ହରାଇ ବିଗତ ଦିନର ପ୍ରତିଶୋଧ ନେବା ସହ ଦଳୀୟ ରାଜନୀତିର ଅନ୍ତ ଘଟିବ ଓ ଲୁଲୁଙ୍କ ପରି ବ୍ରହ୍ମଗିରି ଜନସାଧାରଣ ହୃଦୟରେ ସବୁବେଳେ ରହିବେ ବୋଲି ଜଣାଇଛନ୍ତି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ