ପୁରୀ: ତିନି ରଥରେ ବିରାଜମାନ କରିଥିବା ଚତୁର୍ଦ୍ଧାମୂର୍ତ୍ତି ବୁଧବାର ଗୁଣ୍ଡିଚା ମନ୍ଦିରର ଆଡ଼ପ ମଣ୍ଡପରେ ବିଜେ କରିଛନ୍ତି । ସବୁ ନୀତିକାନ୍ତି ନିର୍ଦ୍ଧାରିତ ସମୟରେ ଶେଷ ହୋଇଛି । ତେବେ ମହାପ୍ରଭୁଙ୍କ ଆଡ଼ପ ମଣ୍ଡପ ବିଜେ ନୀତିକୁ ଦୃଷ୍ଟିରେ ରଖି ଭକ୍ତଙ୍କ ଗହଳି ଯେଭଳି ନ ହେବ ସେଥିପାଇଁ କର୍ଫ୍ୟୁ ଜାରି କରାଯିବା ସହ କଡା ପୋଲିସ ବ୍ୟବସ୍ଥା ହୋଇଥିଲା ।
ରଥଯାତ୍ରା ଭଳି ମହାପ୍ରଭୁଙ୍କ ଆଡ଼ପ ମଣ୍ଡପ ବିଜେ ନୀତିରେ ମଧ୍ୟ ପୁରୀ ଲୋକ ସହଯୋଗ କରିଥିବା ଯୋଗୁଁ ପୁରୀ ବାସୀଙ୍କୁ ଆଇନ ମନ୍ତ୍ରୀ ଧନ୍ୟବାଦ ଦେଇଛନ୍ତି । ସେହିପରି ବାହୁଡା ଯାତ୍ରା ଓ ଅନ୍ୟ ନୀତିକାନ୍ତିରେ ମଧ୍ୟ ପୁରୀବାସୀ ସହଯୋଗ କରିବେ ବୋଲି ଆଇନ ମନ୍ତ୍ରୀ ଆଶା ରଖିଛନ୍ତି ।
ତେବେ ବାହୁଡା ଯାତ୍ରା ପୂର୍ବରୁ ରଥଯାତ୍ରାରେ ସାମିଲ ହୋଇଥିବା ସମସ୍ତ ସେବାୟତ, ପୋଲିସ କର୍ମଚାରୀ ସମେତ ଅନ୍ୟ ବ୍ୟକ୍ତି ବିଶେଷଙ୍କ ମଧ୍ୟ କୋଭିଡ ଟେଷ୍ଟ ହେବ। କୋରୋନା ସଂକ୍ରମଣ ଯେଭଳି ନ ବ୍ୟାପିବ ସେ ନେଇ ଏହି ପଦକ୍ଷେପ ରାଜ୍ୟ ସରକାର ନେଇଥିବା ଆଇନ ମନ୍ତ୍ରୀ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
