ପୁରୀ: ମକର ସଂକ୍ରାନ୍ତି ଉତ୍ସବରେ ଗୁଡି ଉଡାଇବାର ପରମ୍ପରା ବହୁ ପୁରଣା । ଏହି ଅବସରରେ କୋଣାର୍କ ବେଳାଭୂମିରେ ପ୍ରଥମଥର ହେଉଥିବା 'ମେରାଇନ ଡ୍ରାଇଭ ଇକୋ ରିଟ୍ରିଟ' କାର୍ଯ୍ୟକ୍ରମ ମାଧ୍ୟମରେ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ 'ଗୁଡ଼ି ଉତ୍ସବ' ଆୟୋଜନ କରାଯାଇଛି ।
ପର୍ଯ୍ୟଟନ ବିଭାଗ ଓ ସିଆଇଆଇ ପକ୍ଷରୁ ଆୟୋଜିତ ଏହି ଗୁଡ଼ି ଉତ୍ସବରେ ପର୍ଯ୍ୟଟକମାନେ ଗୁଡ଼ି ତିଆରିର କୌଶଳ ଶିଖିବା ସହିତ ବିଚ୍ ରେ ଗୁଡ଼ି ଉଡ଼ାଇବାର ମଜା ନେଇଛନ୍ତି l ଓଡ଼ିଆ ପରମ୍ପରା ଅନୁସାରେ, ମକର ସଂକ୍ରାନ୍ତି ଦିନ ହିଁ ଏଭିଳି କାର୍ଯ୍ୟକ୍ରମ ଆୟୋଜିତ ହୋଇଥିବାରୁ ବାହାରୁ ଆସିଥିବା ପର୍ଯ୍ୟଟକମାନେ ବହୁସଂଖ୍ୟlରେ ଅଂଶଗ୍ରହଣ କରିଥିଲେ l
ବିଶେଷକରି ଯୁବ ସମାଜ ଓଡ଼ିଆ ପରମ୍ପରା ଠାରୁ ଦୂରେଇ ରହୁଥିବା ବେଳେ ଏଭଳି କାର୍ଯ୍ୟକ୍ରମ ଦ୍ବାରା ସେମାନଙ୍କୁ ଆମ ପରମ୍ପରା ପ୍ରତି ଆକୃଷ୍ଟ କରିବାର ଏହା ଏକ ମଧ୍ୟ୍ୟମ ବୋଲି ପର୍ଯ୍ୟଟକ କହିଛନ୍ତି । ତେବେ ଏହି ଅବସରରେ କୁନିକୁନି ପିଲାଙ୍କ ଠାରୁ ଆରମ୍ଭ କରି ଛାତ୍ରଛାତ୍ରୀ ଓ ବିଭିନ୍ନ ବର୍ଗରଙ୍କ ସହ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ପର୍ଯ୍ୟଟକମାନେ ଏଠାରେ ଗୁଡ଼ି ଉଡ଼ାଇ ମଜା ନେଇଛନ୍ତି l
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
