ପୁରୀ: ବହୁ ଚର୍ଚ୍ଚିତ ହାତୀ ଷଡଙ୍ଗୀ ହତ୍ୟା ମାମଲାରେ ଆଉ 2 ଜଣ ଗିରଫ । ମାମଲାରେ ସମ୍ପୃକ୍ତ ଥିବା ବାସେଲି ସାହି ଥାନା ଅନ୍ତର୍ଗତ ବାଲି ସ୍କୁଲ ନିକଟର ଗୋପାଳ ଦାସ ଏବଂ ଟାଉନ ଥାନା ଅଧିନ ଧାନକୁଟି ସାହିର ରଞ୍ଜିତ ପଟ୍ଟନାୟକଙ୍କୁ ପୋଲିସ ଗିରଫ କରିଛି ।
ସୂଚନା ଅନୁଯାୟୀ 2007 ମସିହା ଅଗଷ୍ଟ 30 ତାରିଖରେ ବାସେଲି ସାହିର ଅଜୟ କୁମାର ଷଡଙ୍ଗୀ ଓରଫ ହାତୀ ଶ୍ରୀମନ୍ଦିର ପାଖରେ ଥିବା ତାଙ୍କ ଲଜକୁ ଯାଇଥିଲେ । ଏହି ସମୟରେ କିଛି ଦୁର୍ବୃତ୍ତ ତାଙ୍କ ଉପରକୁ ତିନି ରାଉଣ୍ଡ ଗୁଳି ଚଳାଇଥିଲେ । ଫଳରେ ହାତୀ ଷଡଙ୍ଗୀଙ୍କର ମୃତ୍ୟୁ ହୋଇଥିଲା ।
ମାମଲାର ତଦନ୍ତ ପରେ ଜଣେ ଗ୍ୟାଙ୍ଗଷ୍ଟାରଙ୍କ ନିର୍ଦ୍ଦେଶରେ ଅଜୟ ମହାପାତ୍ର, ପ୍ରଫୁଲ୍ଲ ସାହୁ, ନରସିଂହ ମହାପାତ୍ର ଙ୍କ ସମେତ ଗୋପାଳ ଓ ରଞ୍ଜିତ ସାମିଲ ଥିବା ଜଣାପଡିଥିଲା । ସେତବେଳେ ପୋଲିସ 4 ଜଣଙ୍କୁ ଗିରଫ କରି ଥିବାବେଳେ ଗୋପାଳ ରଞ୍ଜିତ ହାଇକୋର୍ଟରୁ ବେଲ୍ ଅର୍ଡର ଆଣି ବାହାରେ ବୁଲୁଥିଲେ । ସେମାନଙ୍କ ବେଲ୍ ଅର୍ଡର ଅବଧି ସରିଯିବା ପରେ ମଧ୍ୟ ସେମାନେ ଫେରାର୍ ରହିଥିଲେ । ଏସପି ଅଖିଳେଶ୍ବର ସିଂଙ୍କ ନିର୍ଦ୍ଦେଶ କ୍ରମେ ପୋଲିସର ଏକ ସ୍ବତନ୍ତ୍ର ଟିମ୍ ଏମାନଙ୍କୁ ଗିରଫ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
