ପୁରୀ: ବ୍ୟବସାୟକୁ ନେଇ କଳି । ଏହା ପରେ ଜଣେ ଜଣଙ୍କ ଉପରକୁ ମରଣାନ୍ତକ ଆକ୍ରମଣ । ଘଟଣାରେ ଜଣଙ୍କୁ ଗିରଫ କରିଛି ପୋଲିସ ।
ସୂଚନାଅନୁସାରେ, ପୁରୀ ସମୁଦ୍ର କୁଳ ଥାନା ଅନ୍ତର୍ଗତ ଧୋବା ଖାଲର ତାରିଣୀ ବସ୍ତି ନିବାସୀ ନୃସିଂହ ସାହୁ ସମୁଦ୍ର କୁଳ ନିକଟରେ ଏକ ଷ୍ଟିମ କେକ ବ୍ୟବସାୟ କରୁଥିଲେ। ସେହି ଅଞ୍ଚଳର ମୁନା ବେହେରା ତାଙ୍କ ପାଖରେ କାମ କରୁଥିଲା । ମାତ୍ର ଗତ କିଛିଦିନ ହେବ ମୁନା ନିଜେ ଏହି ବ୍ୟବସାୟ ଆରମ୍ଭ କରିବା ପରେ ଉଭୟଙ୍କ ମଧ୍ୟରେ ଶତ୍ରୁତା ବଢିଥିଲା।
ଶତ୍ରୁତା ବଢିବାରୁ ଦୁଇଜଣଙ୍କ ଭିତରେ ଗଣ୍ଡଗୋଳ ହୋଇଥିଲା । ମୁନା ନୃସିଂହଙ୍କୁ ମାରପିଟ କରିବା ସହିତ ତାଙ୍କ ଉପରକୁ ମରଣାନ୍ତ୍ରକ ଆକ୍ରମଣ କରିଥିଲା । ଏ ନେଇ ନୃସିଂହଙ୍କ ସ୍ତ୍ରୀ ଗୀତାଞ୍ଜଳି ସମୁଦ୍ର କୁଳ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଆଧାରରେ ପୋଲିସ ଏକ ମାମଲା ରୁଜ୍ଜୁ କରି ମୁନାକୁ ଗିରଫ କରି କୋର୍ଟ ଚାଲାଣ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
