ଭୁବନେଶ୍ବର: ଅଧାରେ ରହିଲା ଜଗା ଦର୍ଶନ । ପୁରୀରେ ପହଞ୍ଚିବା ପୂର୍ବରୁ ଦୁର୍ଘଟଣାରେ ଚାଲିଗଲା 2 ଜୀବନ । ପୁରୀ ମାଳତୀପାଟପୁର ଠାରେ ଆଜି(ମଙ୍ଗଳବାର) ସକାଳେ ଘଟିଛି ଏହି ଦୁଃଖଦ ଘଟଣା(Accident In Puri) ।
ଅଧାରେ ରହିଲା ଜଗା ଦର୍ଶନ: ଦୁର୍ଘଟଣାରେ ଚାଲିଗଲା 2 କବାଡି ଖେଳାଳିଙ୍କ ଜୀବନ
ମାଳତୀପାଟପୁର ନିକଟରେ ଟ୍ରକ ସହ ବାଇକର ମୁହାଁମୁହିଁ ଧକ୍କା ହେବା ଫଳରେ ବାଇକରେ ଆସୁଥିବା ୩ ଜଣ ଯୁବକଙ୍କ ମଧ୍ୟରୁ ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ଏଥିସହ ଅନ୍ୟଜଣେ ଜଣେ ଗୁରୁତର ହୋଇ ପୁରୀ ସଦର ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ମୃତକ ଦୁଇଜଣ ହେଲେ ପିପିଲି ଓରକଳ ଗ୍ରାମର କବାଡି ଖେଳାଳି ତ୍ରିଲୋଚନ ପ୍ରଧାନ ଓ ସିଦ୍ଧାର୍ଥ ଦାସ ।
ତେବେ ମାଳତୀପାଟପୁର ଠାରେ ଯିବା ଆସିବା ପାଇଁ ଦୁଇଟି ପୃଥକ ରାସ୍ତା ଥିବାବେଳେ ଗୋଟିଏ ପାର୍ଶ୍ବ ରାସ୍ତା ବନ୍ଦ ଥିବା ଯୋଗୁଁ ବିଭିନ୍ନ ସମୟରେ ଦୁର୍ଘଟଣା ଘଟି ଅନେକ ଅମୂଲ୍ୟ ଜୀବନ ଚାଲିଯାଉଛି । ଏଥିପ୍ରତି ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
