ପୁରୀ: ପୁରୀ ବଳିଆ ପଣ୍ଡା ପୋଲିସ ଏକ 5 ଜଣିଆ ଡକାୟକ ଗ୍ୟାଙ୍ଗକୁ ଧରିବାରେ ସଫଳ ହୋଇଛି । ପୋଲିସର ସୂଚନା ଅନୁଯାୟୀ, 26 ତାରିଖ ରାତିରେ 5 ଜଣ ଯୁବକ ବଳିଆ ପଣ୍ଡା କଳିଙ୍ଗ ବିହାର ଅଞ୍ଚଳରେ ଏକ ନିକାଞ୍ଚନ ଜାଗାରେ ବସି ଡକାୟତି ଯୋଜନା କରୁଥିଲେ ।
ଖଣ୍ଡା, ବମ, ଆଦି ମାରଣାସ୍ତ୍ର ରଖି ଡକାୟତି ପାଇଁ ପ୍ଲାନିଂ କରୁଥିବା ବେଳେ ଏନେଇ ବଳିଆ ପଣ୍ଡା ଥାନାକୁ ଖବର ଆସିଥିଲା ।
ଖବରପାଇ ଏଏସଆଇ ରବିନ୍ଦ୍ର କୁମାର ପ୍ରଧାନ ଚଢ଼ାଉ କରି 5 ଜଣ ଡ଼କାୟତଙ୍କୁ ଗିରଫ ସହ ବିସ୍ଫୋରକ, ଖଣ୍ଡା ଓ ଏକ ବାଇକ ଜବତ କରାଯାଇଛି । ପୁରୀ ବଳିଆ ପଣ୍ଡା ବାସିନ୍ଦା ରାଜେନ୍ଦ୍ର ନାୟକ ଓ ତାର ସାଥୀମାନେ ଏହି ଡକାୟତି ଯୋଜନା କରୁଥିବା ବେଳେ ପୋଲିସ ହାତରେ ଧରା ପଡିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
