ପୁରୀ: ଏକାଧିକ ଚୋରି ମାମଲାରେ ସମ୍ପୃକ୍ତି ଥିବା 5 ଜଣଙ୍କୁ ଗିରଫ କରିଛି ପୁରୀ ପୋଲିସ । ସେମାନଙ୍କ ନିକଟରୁ ଲକ୍ଷାଧିକ ଟଙ୍କାର ସୁନା ଅଳଙ୍କାର, 2ଟି ମୋବାଇଲ ଓ 35 ହଜାର ଟଙ୍କା ପୋଲିସ ଜବତ କରିଛି ।
ଗିରଫ ଅଭିଯୁକ୍ତମାନେ ହେଲେ ପୁରୀ ପେଣ୍ଠକଟା ଧୋବାଖାଲ ଅଞ୍ଚଳର ରମେଶ ବେହେରା, ଯୁଧିଷ୍ଠିର ସାହୁ, କପିଳେଶ୍ବର ପୁରର ବିଦ୍ୟାଧର ପାତ୍ର, ସିଟି ରୋଡ଼ର ଜଗନ୍ନାଥ ମଲ୍ଲିକ । ଏମାନଙ୍କ ମଧ୍ୟରେ ଜଗନ୍ନାଥ ଚୋରି ଅଳଙ୍କାର କିଣିଥିବା ଅଭିଯୋଗରେ ଗିରଫ ହୋଇଛି ।
ପୋଲିସ ସୂଚନା ଅନୁଯାୟୀ, ଗତ 13 ତାରିଖ ବିଳମ୍ବିତ ରାତିରେ ଶ୍ରୀକ୍ଷେତ୍ର କଲୋନିର ରଘୁନାଥ ମହାନ୍ତିଙ୍କ ଘରୁ ଅଳଙ୍କାର, ମୋବାଇଲ ଓ ଟଙ୍କା ଚୋରି ହୋଇଥିଲା। ଏନେଇ ଏକ ମାମଲା ରୁଜୁ ପରେ ପୋଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ବେଳେ ଚୋରି ମୋବାଇଲ ଜଣେ ଅଭିଯୁକ୍ତ ନିକଟରୁ ଜବତ କରିଥିଲା ପୋଲିସ। ତାକୁ ପୋଲିସ ଗିରଫ କରିବା ପରେ ଅନ୍ୟମାନଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
