ନୂଆପଡା: ଜିଲ୍ଲା ପରିଷଦ ଜୋନ 2ର ଉପ ନିର୍ବାଚନ ପାଇଁ ନାମାଙ୍କନ ଦାଖଲ କଲେ ତିନି ଦଳର ପ୍ରାର୍ଥୀ । ଜିଲ୍ଲାପରିଷଦ ଉପନିର୍ବାଚନକୁ ନେଇ ଦଳୀୟ କର୍ମୀ ଓ ନେତାଙ୍କ ଗହଣରେ ରାଜନୈତିକ ଉଷ୍ଣତା ସରଗରମ ହୋଇଛି ।
ନୂଆପଡା ଜିଲ୍ଲା ପରିଷଦ ଜୋନ 2ନମ୍ବର ଉପ ନିର୍ବାଚନ ପାଇଁ ସୋମବାର ତିନି ପ୍ରମୁଖ ରାଜନୈତିକ ଦଳ ବିଜେପି, ବିଜେଡି, କଂଗ୍ରେସ ପ୍ରାର୍ଥୀ ନୂଆପଡା ଜିଲ୍ଲା ନିର୍ବାଚନ ଅଧିକାରୀଙ୍କ ପାଖରେ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେଡି ପ୍ରାର୍ଥୀ ଅବନୀ ଯୋଶୀ ଏକ ଶୋଭାଯାତ୍ରାରେ ବହୁ ନେତା କର୍ମୀ ଓ ସମର୍ଥକ ଗହଣରେ ଆସି ନାମାନଙ୍କନ ପତ୍ର ଦାଖଲ କରିଥିବାବେଳେ,ବିଜେପି ପ୍ରାର୍ଥୀ ଗୌରୀଶଙ୍କର ପଣ୍ଡା ଏବଂ କଂଗ୍ରେସ ପ୍ରାର୍ଥୀ କାଞ୍ଚନ ଶବର ନିଜ ନିଜର ପ୍ରସ୍ତାବକ ସମର୍ଥକଙ୍କ ସହ ଆଜି ନାମାଙ୍କନ ପତ୍ର ଦାଖଲ କରିଛନ୍ତି ।
ତିନି ପ୍ରମୁଖ ଦଳର ନେତା ଓ କର୍ମୀ ଗଣ ନିର୍ବାଚନ ମଇଦାନରେ ଅବତରଣ କରି ଭୋଟରଙ୍କ ନିକଟତମ ହେବା ପାଇଁ ଜୋରଦାର ପ୍ରଚାର ଚଳାଇଛନ୍ତି । ହେଲେ ହାତୀ କାହା ମୁଣ୍ଡରେ କଳସ ଢାଳିବ ତାହା ନିର୍ବାଚନ ଭୋଟ ଗଣତି ପରେ ହିଁ ଜଣାପଡିବ । ସୂଚନାଥାଉକି ଚଳିତ ମାସ 2 ତାରିଖରେ ନାମାଙ୍କନ ଯାଞ୍ଚ ପ୍ରକ୍ରିୟା ଥିବାବେଳେ,24 ତାରିଖ ନିର୍ବାଚନ ଶେଷ ହେବ। ସେହିଭଳି 25 ତାରିଖ ଦିନ ଭୋଟ ଫଳାଫଳ ଗଣତି ହେବ ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
