ନୂଆପଡ଼ା: ମହାମାରୀ କୋଭିଡ19 ଆତଙ୍କ ସୃଷ୍ଟି କରି ବିଶ୍ୱ ବ୍ୟାପି ଆତଙ୍କ ସୃଷ୍ଟି କରିଛି । କୋଭିଡ19 ଦେଶର ପ୍ରଗତିରେ ବାଧା ସୃଷ୍ଟି କରିଥିବା ବେଳେ, ଶିକ୍ଷା ନୀତିରେ ମଧ୍ୟ ବେଶ ପ୍ରଭାବ ପକାଇଛି । ଲକଡାଉନ କାରଣରୁ ସ୍କୁଲ କଲେଜ ତାଲା ପଡିଥିବାବେଳେ, ପିଲାଙ୍କ ପାଠପଢ଼ାରେ ଡୋରି ବନ୍ଧା ହୋଇଛି । ମାର୍ଚ୍ଚ ଅପ୍ରେଲ ଦୁଇ ମାସର ଶିକ୍ଷା ପାଇନାହାନ୍ତି ଛାତ୍ରଛାତ୍ରୀ । ଅନିଶ୍ଚିତତା ଭିତରେ ଛାତ୍ରଛାତ୍ରୀ ଘରେ ବସିଥିବାବେଳେ, ଓଡ଼ିଶା ସରକାରଙ୍କ ନିର୍ଦ୍ଦେଶ କ୍ରମେ ନୂଆପଡା ଜ଼ିଲ୍ଲା ଶିକ୍ଷା ବିଭାଗ ଶିକ୍ଷା ସଂଯୋଗ ଅନଲାଇନ ପାଠପଢ଼ା ଆରମ୍ଭ କରିଛନ୍ତି । ଶିକ୍ଷା ସଂଯୋଗ ଗ୍ରୁପ ଜରିଆରେ ଚଳିତ ମାସ 7 ତାରିଖ ଠାରୁ ଅନଲାଇନ ପାଠପଢ଼ା ଆରମ୍ଭ ହୋଇଛି ।
ଯେଉଁଥିରେ ମୋବାଇଲ, ଲାପଟପ ଧରି ପିଲାମାନେ ଘରେ ରହି ପାଠ ପଢିବେ । ଯାହାକି ଦୁର୍ଗମ ପାହାଡିଆ ଗ୍ରାମାଞ୍ଚଳ ପିଲାଙ୍କପାଇଁ ସମସ୍ୟା ଦେଖାଦେଇଛି । ଗରିବ ଛାତ୍ରଛାତ୍ରୀଙ୍କ ପାଖରେ ସ୍କ୍ରିନ ଟଚ ମୋବାଇଲନ ଥିବାବେଳେ, ନେଟୱାର୍କ ନ ଥିବାରୁ ପିଲାଙ୍କ ପାଠପଢ଼ାରେ ଘୋର ସଙ୍କଟ ଦେଖାଦେଉଥିବା ଛାତ୍ରଛାତ୍ରୀ କହିଛନ୍ତି । ଛାତ୍ରଛାତ୍ରୀଙ୍କ ପାଠପଢ଼ାକୁ ଦୃଷ୍ଟିରେ ରଖି ଚଳିତ ମାସ 7 ତାରିଖ ଠାରୁ ନୂଆପଡା ଜ଼ିଲ୍ଲା ଶିକ୍ଷା ବିଭାଗ ପକ୍ଷରୁ ଅନଲାଇନ ପାଠପଢ଼ା ଆରମ୍ଭ ହୋଇଯାଇଛି । ଦ୍ଵିତୀୟରୁ ଅଷ୍ଟମ ଶ୍ରେଣୀ ପ୍ରାଥମିକ ସ୍ତରରେ ଅନଲାଇନରେ ପାଠ ପଢ଼ାଇବା ପାଇଁ 26 ଜଣ ଦକ୍ଷ ସମ୍ବଳ ଶିକ୍ଷକ ଶିକ୍ଷୟିତ୍ରୀଙ୍କୁ ଜ଼ିଲ୍ଲା ଶିକ୍ଷା ବିଭାଗ ଚୟନ କରିଛି ।
ସେହିଭଳି ମାଧ୍ୟମିକ ସ୍ତରରେ 36 ଜଣ ଦକ୍ଷ ସମ୍ବଳ ଶିକ୍ଷକ ଶିକ୍ଷୟିତ୍ରୀ ଚୟନ କରାଯାଇଛି । ଏହି ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ DRP ଡିଷ୍ଟିକ ରିଶୋର୍ସ ପର୍ଶନ ଗ୍ରୁପ ଗଠନ କରାଯାଇଛି । ଦୀକ୍ଷା, ମଧୁ ଆପ ଶିକ୍ଷା ସଂଯୋଜକ ଜରିଆରେ ଅନଲାଇନ ପାଠପଢ଼ା ଚାଲିଥିବା ଜ଼ିଲ୍ଲା ଶିକ୍ଷା ଅଧିକାରୀ କହିଛନ୍ତି । ସେହିଭଳି ଉଥାନ, ଉତ୍କର୍ଷ, ଉଜ୍ଜଳ କାର୍ଯ୍ୟକୁ ମଧ୍ୟ ଗୁରୁତ୍ୱର ସହ ସମ୍ପାଦନା କରୁଥିବା ଜ଼ିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ପ୍ରକାଶ କରିଥିବାବେଳେ, ଗ୍ରାମାଞ୍ଚଳର ପିଲାମାନେ ଅନଲାଇନ ପାଠପଢ଼ା ରେ ଫଳପ୍ରଦ ହେବେନାହିଁ ବୋଲି ଅବିଭାବକ ଅସନ୍ତୋଷ ଜାହିର କରିଛନ୍ତି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
