ନୂଆପଡା: ଜିଲ୍ଲାର ଖଡିଆଳ ସ୍ଥିତ ସ୍ୱୟଂ ଶାସିତ ମହାବିଦ୍ୟାଳୟର ଯୁକ୍ତ ୩ ପରୀକ୍ଷାଫଳ ପ୍ରକାଶ ପାଇଛି । ରବିବାର ନୂଆପଡା ଜିଲ୍ଲାର ଏକମାତ୍ର ସ୍ୱୟଂ ଶାସିତ ମହାବିଦ୍ୟାଳୟ ଯୁକ୍ତ ୩ କଳା, ବାଣିଜ୍ୟ, ଏବଂ ବିଜ୍ଞାନ ବିଭାଗର ବୋର୍ଡ ପରୀକ୍ଷା ଫଳାଫଳ ପ୍ରକାଶ ପାଇଛି ।
ଗତ ବର୍ଷ ତୁଳନାରେ ଚଳିତ ବର୍ଷ ଫଳାଫଳ ବେଶ ଅଗ୍ରଗତି କରିଥିବା କଲେଜ ଅଧ୍ୟକ୍ଷ ଡ଼. ହରେନ୍ଦ୍ର ପଣ୍ଡା କହିଛନ୍ତି । କଳା, ବିଜ୍ଞାନ, ଏବଂ ବାଣିଜ୍ୟ ବିଭାଗର ସମୁଦାୟ 371 ଛାତ୍ରଛାତ୍ରୀ ବୋର୍ଡ ପରୀକ୍ଷା ଦେଇଥିଲେ । ସେଥିମଧ୍ୟରୁ 292 ଜଣ ଛାତ୍ରଛାତ୍ରୀ ପାସ୍ ହୋଇଛନ୍ତି । ଚଳିତ ବର୍ଷ ଯୁକ୍ତ ୩ କଳାରେ ୮ ଜଣ, ବିଜ୍ଞାନରେ ୫ ଜଣ, ଏବଂ ବାଣିଜ୍ୟରେ ଜଣେ ଟପର ହୋଇ କଲେଜର ନାମ ରଖିଛନ୍ତି ।
ତେବେ ଏହି ଅବସରରେ ମୁଖ୍ୟଅତିଥି ଭାବରେ ଉଚ୍ଚ ଶିକ୍ଷା ବିଭାଗ ଆଞ୍ଚଳିକ ନିର୍ଦ୍ଦେଶକ ମାନଶ ପୁଜାରୀ, ସମ୍ମାନିତ ଅତିଥି ଭାବରେ କଲେଜ ଚ୍ୟାୟରମ୍ୟାନ ଡ଼. ଫଣିନ୍ଦମ ସିଂ ଦେଓ, କଲେଜ ଅଧ୍ୟକ୍ଷ ଡ଼. ହରେନ୍ଦ୍ର ପଣ୍ଡା ଏବଂ ସମସ୍ତ ବିଭାଗର ଅଧ୍ୟାପକ, ଅଧ୍ୟାପିକା ଏବଂ ପ୍ରଫେସର ଯୋଗଦେଇଥିଲେ ।
ନୂଆପଡାରୁ ମୋତିଲାଲ୍ ବାଗ, ଇଟିଭି ଭାରତ
