ନୂଆପଡା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମ ଦିବସକୁ ସେବା ସପ୍ତାହ ଭାବରେ ନୂଆପଡା ଜିଲ୍ଲା ଭାରତୀୟ ଜନତା ପାର୍ଟି ଜିଲ୍ଲା ବ୍ୟାପି ପାଳନ କରୁଥିବା ଦେଖିବାକୁ ମିଳିଛି । ସେବା ସପ୍ତାହରେ ଭାରତୀୟ ଜନତା ପାର୍ଟି ଜିଲ୍ଲାର ବିଭିନ୍ନ ଅଞ୍ଚଳକୁ ପରିଦର୍ଶନ କରି ସାଧାରଣ ଗରିବ ଅସହାୟ ଲୋକଙ୍କୁ ସେବା ଯୋଗାଇଦେବା ସହ ବିଭିନ୍ନ ସହାୟତା ପ୍ରଦାନ କରିଛି । ଜିଲ୍ଲାର ବିଭିନ୍ନ ବ୍ଲକର କାର୍ଯ୍ୟ କର୍ତ୍ତା ସାମିଲ ଥିବାବେଳେ, ଶୁକ୍ରବାର ନୂଆପଡା ଜିଲ୍ଲା ଦୁର୍ଗମ ସୋସେଙ୍ଗ,ଧର୍ମବନ୍ଧା,ଗାଁକୁ ପହଞ୍ଚିଥିଲା ବିଜେପି ।
ସେବା ସପ୍ତାହରେ ସୋସେଙ୍ଗ,ଧର୍ମବନ୍ଧା ଗାଁର 170 ପରିବାରଙ୍କୁ ଗୋଟିଏ ମାସର ରାସନ ଯୋଗାଇ ଦେଇଛନ୍ତି । ଜିଲ୍ଲାର ଖଡ଼ିଆଳ, ସିନାପାଲି, କୋମନା, ବୋଡେ଼ନ ଏବଂ ନୂଆପଡା ସ୍ବାସ୍ଥ୍ୟ କେନ୍ଦ୍ର ଗୁଡିକରେ ଚିକିତ୍ସାଧିନ ଲୋକମାନଙ୍କୁ ଫଳ ବଣ୍ଟନ କରାଯାଇଛି । ବୁଦ୍ଧିଜୀବୀ ଆଲୋଚନାଚକ୍ର, ସ୍ବଚ୍ଛଭାରତ ଭଳି ସଚେତନତା ମୂଳକ କାର୍ଯ୍ୟ ହାତକୁ ନେଇଛି ନୂଆପଡା ଜ଼ିଲ୍ଲା ଭାରତୀୟ ଜନତା ପାର୍ଟି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
