ନୂଆପଡା: ଜିଲ୍ଲା ବୋଡେନ ଥାନା ଅନ୍ତର୍ଗତ ଛତିଶଗଡ ସୀମାନ୍ତ ପାଭଇଷିମୁଣ୍ତି ଗାଁ ନିକଟରୁ ମାଓ କ୍ୟାମ୍ପ ଠାବ । ଭଇଶାଦାନୀ ପାଖନପଡା ସିଆରପିଏଫ କ୍ୟାମ୍ପ 216 ବାଟାଲିୟନର କମ୍ବିଂ ଅପରସେନ ସମୟରେ କ୍ୟାମ୍ପ ଠାବ କରାଯାଇଛି । ଏହି ନକ୍ସଲ କ୍ୟାମ୍ପରୁ ବହୁ ପରିମାଣର ଗୋଳା ବାରୁଦ, ବନ୍ଧୁକ, ପିସ୍ତଲ, ମାଓ ପୁସ୍ତିକା ଓ ଓଷଧ ଭଳି ମାଓ ସାମଗ୍ରୀ ଜବତ କରାଯାଇଛି । ରାଇଫଲ ୫ଟି, ପିସ୍ତଲ ଗୋଟିଏ, ଡିଟୋନେଟର ୩୩ଟି, ବିଦ୍ୟୁତ ତାର ୨୫୦ ମିଟର, ରାଇଫଲ ବ୍ୟାରେଲ ୩ଟି, ରୋଷେଇ ସାମଗ୍ରୀ ଓ ଖାଦ୍ୟ ପଦାର୍ଥ ମଧ୍ୟ ଜବତ ହୋଇଛି ।
ସୂଚନା ଅନୁସାରେ, ପାଭଇଷିମୁଣ୍ତି ଗାଁ ନିକଟ ଜଙ୍ଗଲରେ ନକ୍ସଲ କ୍ୟାମ୍ପ ଚାଲିଥିବା ଯବାନମାନେ ଖବର ପାଇଥିଲେ । ଭଁଇଶାଦାନୀ ସିଆର୍ପିଏଫ୍ f-216 କମାଣ୍ଡାଣ୍ଟ ଉଷା ସିଂଙ୍କ ନେତୃତ୍ବରରେ ପାଟଦରା ସଂରକ୍ଷିତ ଜଙ୍ଗଲରେ କମ୍ବିଂ ଅପରେସନ ଆରମ୍ଭ ହୋଇଥିଲା । ଯବାନମାନେ ବିପୁଳ ମାତ୍ରାରେ ମାଓ ସାମଗ୍ରୀ ଜବତ କରିଥିବାବେଳେ, ଅଳ୍ପକେ ମାଓବାଦୀମାନେ ବର୍ତ୍ତି ଯାଇଛନ୍ତି । ଖବର ପାଇ ଘଟଣାସ୍ଥଳରକୁ ଛତ୍ରଭଙ୍ଗ ଦେଇଛନ୍ତି ମାଓ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
