ନୂଆପଡା: କୋମନା ବ୍ଲକ କାଣ୍ଡେତରା ଗାଁରେ ତେଜିଲା ମଦମୁକ୍ତି ଆନ୍ଦୋଳନ । କାଣ୍ଡେତରା ଗାଁରେ ଦିନକୁ ଦିନ ବେଆଇନ ମଦ କାରବାର ବଢ଼ିବାରେ ଲାଗିଛି । ଯାହାଫଳରେ ଅସାମାଜିକ କାର୍ଯ୍ୟକଳାପ ବଢ଼ିବାରେ ଲାଗିଛି ।
ବେଆଇନ ମଦକୁ ରୋକିବା ପାଇଁ ସ୍ୱୟଂ ସହାୟକ ଗୋଷ୍ଠୀର ମହିଳା ଅଣ୍ଟା ଭିଡି ଘରୁ ପଦାକୁ ବାହାରିଛନ୍ତି । ଆଜି ଗାଁ ଦାଣ୍ଡରେ ଏକ ପ୍ରତିବାଦ ସଭା କରି ଗାଁରୁ ବେଆଇନ ମଦ ବନ୍ଦ କରିବାକୁ ମଦ ମାଫିଆଙ୍କୁ ଚେତାବନୀ ଦେଇଛନ୍ତି । ଏନେଇ ଏକ ଶୋଭାଯାତ୍ରାରେ ଶତାଧିକ ମହିଳା ମଦବିରୋଧୀ ସ୍ଲୋଗାନ ଦେଇ ଗାଁ ପରିକ୍ରମା କରିଛନ୍ତି ।
ଭିଡିଓ ସୌଜନ୍ୟ : ପ୍ରତିନିଧି,ନୂଆପଡା
ଏହାପରେ ସ୍ଥାନୀୟ କାଣ୍ଡେତରା ମଦ ଭାଟି କୁଯାଇ ଭାଟି ମ୍ୟାନେଜରକୁ ତାଗିଦ କରିଛନ୍ତି । ଗାଁର ବେଆଇନ ଖୁଚୁରା ମଦ ଦୋକାନିକୁ ମଦ ନଦେବାକୁ ଚେତାବନୀ ଦେଇଛନ୍ତି । ନଚେତ ଆଗାମୀ ଦିନରେ ନୂଆପଡା ଜିଲ୍ଳାପାଳଙ୍କ କାର୍ଯ୍ୟାଳୟ ଘେରାଉ କରିବେ ବୋଲି ଚେତାବନୀ ଦେଇଛନ୍ତି ।
ନୂଆପଡାରୁ ମୋତିଲାଲ୍ ବାଗ୍, ଇଟିଭି ଭାରତ
