ନୂଆପଡା: ଜିଲ୍ଲାର ଖଡ଼ିଆଳ ଏନଏସି ପକ୍ଷରୁ ଘରଘର ବୁଲି କୋରୋନା ସର୍ଭେ ଆରମ୍ଭ ହୋଇଯାଇଛି । ସର୍ଭେ କାର୍ଯ୍ୟରେ ଅଙ୍ଗନବାଡି, ଆଶାକର୍ମୀ, ସ୍ୱେଚ୍ଛାସେବୀ ଓ ଏନଏସି କର୍ମଚାରୀ ସାମିଲ ରହିଛନ୍ତି । ଏହି ସର୍ଭେ ଦଳ ଖଡ଼ିଆଳ ଏନଏସିର ପ୍ରତ୍ୟେକ ୱାଡ଼କୁ ଯାଇ ଘରଘର ବୁଲି ଘର ମୁଖିଆଙ୍କ ଠାରୁ ସ୍ବାସ୍ଥ୍ୟ ସମ୍ୱନ୍ଧୀୟ ତାଲିକା ପ୍ରସ୍ତୁତ କରୁଛନ୍ତି । ଯେଉଁ ପରିବାର ସଦସ୍ୟଙ୍କ ସ୍ବାସ୍ଥ୍ୟ ଅବସ୍ଥା ଠିକ ନାହିଁ, ଆଗାମୀ ଦିନରେ ତାଙ୍କର ସ୍ୱାବ ପରୀକ୍ଷା ପାଇଁ ପଠା ହେବ ବୋଲି ଜଣାପଡିଛି ।
ନୂଆପଡାରେ ଆରମ୍ଭ ହେଲା ଘର ଘର ବୁଲି କୋରୋନା ସର୍ଭେ ଅଭିଯାନ
ଏହାଦ୍ୱାରା ଖଡ଼ିଆଳ ଏନଏସିରେ ବାସ କରୁଥିବା ଲୋକଙ୍କୁ ସରକାର ସହଜରେ ଚିକିତ୍ସା ସେବା ଯୋଗାଇ ଦେବା ସହ କୋରୋନା ମୁକ୍ତ ସହର ହେବ ବୋଲି କୁହାଯାଉଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
