ନୂଆପଡ଼ା: ଖଡିଆଳ ପୋଲିସକୁ ସଫଳତା । ସହର ବିଭିନ୍ନ ଜନଗହଳି ସ୍ଥାନରୁ ଗାଡିମୋଟର, ସାଇକେଲ ଚୋରି କରୁଥିବା ଦୁର୍ବୃତ୍ତକୁ ଗିରଫ କରିଛି ପୋଲିସ । ଅଭିଯୁକ୍ତ ଠାରୁ 3ଟି ବାଇକ ଓ ସାଇକେଲ ଜବତ କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡ଼ା
ଖଡିଆଳ ଥାନା ଅନ୍ତର୍ଗତ ଢଙ୍ଗସର ଗାଁର ପର୍ଶୁରାମ ବିଭାର ଦୀର୍ଘ ଦିନ ଧରି ବାଇକ, ସାଇକେଲ ଚୋରି କରିଆସୁଥିଲା । ହାଟବଜାର, ବ୍ୟାଙ୍କ, ଡାକ୍ତରଖାନା ଅଞ୍ଚଳରୁ ଚୋରି ଫେରାର ହୋଇଯାଉଥିଲା । ହେଲେ ମଙ୍ଗଳବାର ଦୋହେଲପଡା ଗାଁର ଜଣେ ବ୍ୟକ୍ତିଙ୍କୁ ଚୋରା ବାଇକ ବିକ୍ରି କରିବା ସମୟରେ ପୋଲିସର ହାତରେ ଧରାପଡ଼ିଥିଲା । ତେବେ ଅଭିଯୁକ୍ତକୁ ଗିରଫ ପରେ ଆଜି ତାକୁ କୋର୍ଟ ଚାଲାଣ କରାଯିବ ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
