ନୂଆପଡା : ଜିଲ୍ଲାର ସିନାପାଲି ବ୍ଲକ ଗୋଡାଲ ଗ୍ରାମପଞ୍ଚାୟତସ୍ଥିତ ବ୍ରାହ୍ମଣପଡା ଗାଁରେ ମହାମାରୀ କୋଭିଡ 19ର କରାଳ ରୂପ ଦେଖା ଦେଇଛି । ଥରକରେ ଗାଁରେ 33 ଜଣଙ୍କୁ କୋଭିଡ ପଜିଟିଭ ଚିହ୍ନଟ ହେବା ପରେ ଗାଁରେ ଏକପ୍ରକାର ଭୟର ବାତାବରଣ ସୃଷ୍ଟି ହୋଇଛି । ଖବର ପାଇ ସିନାପାଲି ବ୍ଲକ ବିଡ଼ିଓ ସଦାଶିବ ନାଏକ ଗାଁକୁ ଯାଇ ନିକଟରୁ ସ୍ଥିତି ଅନୁଧ୍ୟାନ କରୁଛନ୍ତି ।
ବ୍ରାହ୍ମଣପଡା ଗାଁରେ ଥରକରେ 33 ଜଣଙ୍କୁ କୋଭିଡ ପୋଜିଟିଭି ଚିହ୍ନଟ
ସେହିଭଳି ସିନାପାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଭ୍ରାମ୍ୟମାଣ ଡାକ୍ତରୀ ଦଳ ଗାଁକୁ ଯାଇ ଲୋକଙ୍କୁ ସଚେତନ କରିବା ସହ ଲୋକଙ୍କ ସ୍ୱାବ ସଂଗ୍ରହ କରୁଥିବା ଦେଖା ଦେଇଛି । ସିନାପାଲି ଦମକଳ ବାହୀନି ତତ୍ପରତା ପ୍ରକାଶ କରି ଗାଁ ଦାଣ୍ଡ ଗଳି ରାସ୍ତାକୁ ସାନିଟାଇଜ କରିଛନ୍ତି । ଅଙ୍ଗନବାଡି କର୍ମୀ, ଆଶାଦିଦି ଏବଂ ମହିଳା ସ୍ୱଂୟ ସହାୟକ ଗୋଷ୍ଠୀ ସମୂହ ଲୋକଙ୍କୁ ସଚେତନ କରୁଛନ୍ତି । ଅପରପକ୍ଷେ ପଡୋଶୀ ଛତିଶଗଡ଼ ରାଜ୍ୟ ଲୋକଙ୍କ ସହ ମିଳାମିଶା କରିବା ଦ୍ବାରା ଏଭଳି ଅବସ୍ଥା ଦେଖା ଦେଇଥିବା ସନ୍ଦେହ କରାଯାଉଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
