ନୟାଗଡ: ବିପୁଳ ପରିମାଣର କାଠ ଜବତ କଲା ବନ ବିଭାଗ । ଜବତ ହୋଇଥିବା କାଠର ମୂଲ୍ୟ 4 ଲକ୍ଷରୁ ଅଧିକ ହେବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି । ସୂଚନା ଅନୁସାରେ, ଖଣ୍ଡପଡ଼ା ବ୍ଳକ ଅନ୍ତର୍ଗତ ବଡ଼ବାଣପୁର ଓ ଖଳିସାହି ପଞ୍ଚାୟତ ପୁଆଣିଆଁ ଗାଁରେ ଚୋରା କାଠ ରଖି ପର୍ଣ୍ଣିଚର ନିର୍ମାଣ କରାଯାଉଥିବା ନେଇ ବନଖଣ୍ଡ ଅଧିକାରୀଙ୍କୁ ସୂଚନା ରହିଥିଲା ।
ପ୍ରଥମେ ବଡ଼ବାଣପୁରରେ ଚଢ଼ାଉ କରାଯାଇଥିଲା । ସେହି ଗାଁର ମାୟା ପ୍ରଧାନ, ଦୋଳିଆ ଦାସ, ମୁନା ମନ୍ତ୍ରୀଙ୍କ ଘରୁ ବିପୁଳ ପରିମାଣର ଶାଗୁଆନ ଲଗ, ସାଇଜ କାଠ ଓ ପଟା ଜବତ କରିଥିଲେ । ପରେ ଖଳିସାହି ପଞ୍ଚାୟତ ପୁଆଣିଆ ଗାଁର ନବ ମହାପାତ୍ର ଓ ଅନ୍ୟ ଦୁଇ ଜଣଙ୍କ ଘର ଉପରେ ଚଢ଼ାଉ କରାଯାଇଥିଲା । ସେଠାରୁ ବିପୁଳ ପରିମାଣର କାଠ ଜବତ କରାଯାଇଥିଲା । ଜବତ କାଠର ଆନୁମାନିକ ମୂଲ୍ୟ ୪ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଡିଏଫ୍ଓ ସୂଚନା ଦେଇଛନ୍ତି । ବେଆଇନ କାଠ କାରବାର ନେଇ ୬ ଜଣଙ୍କ ନାମରେ ମାମଲା ରୁଜୁ ହୋଇଥିବା ସୂଚନା ମିଳିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
