ନୟାଗଡ଼: ରୋଷେଇ ଘରୁ ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ । ନୂଆଗାଁ ବ୍ଲକ ଉଦୟପୁର ପଞ୍ଚାୟତ ଜିଗିନିପଡା ଗାଁରେ ରୋଷେଇ ଘରୁ ଜଣେ ମହିଳାଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି l
ସୂଚନା ଅନୁଯାୟୀ, ନୂଆଗାଁ ବ୍ଲକ ଜିଗିନିପଡା ଗ୍ରାମର ଜଣେ ବ୍ୟକ୍ତି ଗୁପଚୁପ ବ୍ୟବସାୟ କରି ପରିବାର ଘର ଚଳନ୍ତି । ତାଙ୍କର ଏକ ୩ ବର୍ଷର ଝିଅ ରହିଛି । ଗ୍ରାମବାସୀଙ୍କ କହିବା ମୁତାବକ କିଛିଦିନଧରି ସ୍ବାମୀ, ସ୍ତ୍ରୀ ମଧ୍ୟରେ କୌଣସି କାରଣକୁ ନେଇ ଝଗଡା ଲାଗିରହିଥିଲା l ତେବେ ସ୍ବାମୀ ସ୍ତ୍ରୀ ଝଗଡା ଏତେ ଭୟଙ୍କର ରୂପ ନେବ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ମୃତ ମହିଳାଙ୍କ ବାପା ନୂଆଗାଁ ଥାନାରେ ଝିଅର ଶ୍ବଶୁର ଘର ପରିବାରର ୭ ଜଣ ସଦସ୍ୟଙ୍କ ନାମରେ ଏକ ହତ୍ୟା ଅଭିଯୋଗ କରିଛନ୍ତି l ଅଭିଯୋଗ ଆଧାରରେ ମହିପୁର ଫାଣ୍ତି ଅଧିକାରୀ ରମେଶ ଚନ୍ଦ୍ର ଦେବତା ନୂଆଗାଁ ଥାନା କେସ ନଂ– ୧୦୫/୨୦ରେ ତଦନ୍ତ ଚାଲୁ ରଖିଛନ୍ତି l ନୂଆଗାଁ ପୋଲିସ ଘଟଣାସ୍ଥଳରୁ ସାଇଣ୍ଟିଫିକ ଟିମ୍ ଉପସ୍ଥିତିରେ ମହିଳାଙ୍କ ମୃତଦେହକୁ ଉଦ୍ଧାର କରିଛି l ମୃତ ମହିଳାଙ୍କ ସ୍ବାମୀ, ଶାଶୁ, ଶ୍ବଶୁର ଓ ଦାଦା ଶ୍ବଶୁରଙ୍କ ନାମରେ ଅଭିଯୋଗ ହୋଇଛି l ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
