ନୟାଗଡ: ପୋଲିସ ଆଖିରେ ଧୂଳିଦେଇ ଖସିଗଲା ଚୋର । ପୋଲିସକୁ ଚମକା ଦେଇ ଚମ୍ପଟ ଚୋର । ବୁଧବାର ଅପରାହ୍ନରେ ପୋଲିସ କବଳରୁ ଚୋର ଖସିଯିବା ଘଟଣାରେ ଚୋରକୁ କାବୁ କରିବାକୁ ଚାଲିଛି ତନାଘନା ।
ପୋଲିସକୁ ଚକମା ଦେଇ ଚମ୍ପଟ ଚୋର
ନୟାଗଡ କୋର୍ଟକୁ ଅଭିଯୁକ୍ତଙ୍କୁ ଆଣିବା ସମୟରେ ଚୋର ଚମ୍ପଟ ମାରିଥିବା ଜଣାପଡିଛି । ଗାଡିର ସରଞ୍ଜାମ ଚୋରି କରୁଥିବା ଅଭିଯୋଗରେ ଶରଣକୁଳ ଥାନା ପଞ୍ଚରିଡ଼ା ମାନପୁର ଗ୍ରାମର ଅନିଲ ମୁଦୁଲୀକୁ ଗିରଫ କରିଥିଲା ନୂଆଗାଁ ଥାନା ପୋଲିସ l ଗତକାଲି ଅପରାହ୍ନରେ କୋର୍ଟ ଚାଲାଣ କରି କୋର୍ଟକୁ ଆଣିଥିବା ସମୟରେ ପାଣି ପିଇବା ଆଳରେ ପୋଲିସକୁ ଧକ୍କା ଦେଇ ଚମ୍ପଟ ମାରିଥିଲା ଅନିଲ । ନୟାଗଡ଼ ଏସପିଙ୍କ ନିର୍ଦ୍ଦେଶରେ ସ୍ପେସାଲ ସ୍କ୍ବାର୍ଡ ଅଭିଯୁକ୍ତକୁ ଖୋଜୁଥିବା ନେଇ ନୂଆଗାଁ ପୋଲିସ ପକ୍ଷରୁ ସୂଚନା ମିଳିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
