ନୟାଗଡ଼: ନୟାଗଡ଼ ଟାଉନ ଥାନା ଅନ୍ତର୍ଗତ ମାଙ୍କପଲ୍ଲୀ ଗ୍ରାମରେ ସନ୍ଦେହଜନକ ଅବସ୍ଥାରେ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ଗ୍ରାମର ଜାମୁଖାଲ ଠାରେ ଗୁରୁବାର ସକାଳୁ ଏହି ଗ୍ରାମର ଅନନ୍ତ ବେହେରାଙ୍କ ପତ୍ନୀ ପ୍ରତିମା ବେହେରାଙ୍କୁ ମୃତ ଅବସ୍ଥାରେ ଦେଖିବାକୁ ମିଳିଥିଲା ।
ଏନେଇ ସ୍ଥାନୀୟ ଲୋକେ ନୟାଗଡ଼ ଟାଉନ ଥାନାକୁ ସୂଚନା ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏ ସମ୍ପର୍କରେ ଏକ ମାମଲା ରୁଜୁ କରି ଘଟଣାର ଛାନଭିନ୍ ଜାରି ରଖିଛି ।
ତେବେ ଏଯାଏଁ ମୃତ୍ୟୁର କାରଣ ନେଇ କୌଣସି ସ୍ପଷ୍ଟ ହୋଇନାହିଁ । ଅନ୍ୟପକ୍ଷରେ ମହିଳାଙ୍କୁ କେହି ହତ୍ୟାକରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ପୋଲିସ ଏ ଦିଗରେରେ ତଦନ୍ତ ଅଧିକ ତଦନ୍ତ ଜାରି ରଖିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
