ନୟାଗଡ଼: ଅବକାରୀ ବିଭାଗ, ପୋଲିସ ଏବଂ ମୋବାଇଲ ସ୍କ୍ବାଡର ମିଳିତ ଚଢ଼ାଉ । ବିପୁଳ ପରିମାଣର ନକଲି ବିଦେଶୀ ମଦ ଓ ସାମଗ୍ରୀ ଜବତ । ରଣପୁର ଥାନା ଅନ୍ତର୍ଗତ ପିମ୍ପଲ ଓ କେନ୍ଦୁପଲ୍ଲୀ ଅଞ୍ଚଳରେ ଚଢ଼ାଉ କରି ଜଣକୁ ଗିରଫ କରିଛି ପୋଲିସ । ଅଭିଯୁକ୍ତ ଜଣକ କେନ୍ଦୁପଲ୍ଲୀ ଗ୍ରାମର ପ୍ରସନ୍ନ ପରିଡ଼ା ବୋଲି ସୂଚନା ମିଳିଛି ।
ନକଲି ମଦ କାରଖାନାରେ ଚଢ଼ାଉ, ବିପୁଳ ପରିମାଣର ମଦ ଜବତ ସହ ଜଣକୁ ଗିରଫ କଲା ପୋଲିସ
ତେବେ ଦୀର୍ଘ ଦିନ ଧରି ନକଲି ବିଦେଶୀ ମଦ କାରଖାନା ଚଳାଉଥିବା ପ୍ରସନ୍ନ ନାମରେ ପୂର୍ବରୁ ଜିଲ୍ଲାର ବିଭିନ୍ନ ଥାନାରେ ଏକାଧିକ ମାମଲା ରହିଛି । ଏହି ନକଲି ମଦ ଜିଲ୍ଲାର ବିଭିନ୍ନ ସ୍ଥାନକୁ ପଠାଯାଉଥିଲା । ରଣପୁର ଅବକାରୀ ବିଭାଗ, ପୋଲିସ ଏବଂ ନୟାଗଡ଼ ମୋବାଇଲ ସ୍କ୍ବାର୍ଡ ମିଳିତ ଭାବେ ଚଢ଼ାଉ କରି ୪୦୦ ବୋତଲ ନକଲି ମଦ ସହିତ ୩୦୦ ଲିଟର ସ୍ପିରିଟ, ୧୦ ଲିଟର କାରାମେଲ, ୨୫୦୦ ଲେବଲ ଏବଂ ୨୦୦୦ ଠିପି ଜବତ କରିଛି । ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।
ଇଟିଭି ଭାରତ, ନୟାଗଡ଼
