ନୟାଗଡ଼: ମଣିଷର ଔକାତ ନାହିଁ ଜଗନ୍ନାଥଙ୍କୁ ପରିଚୟ ଦେବାର l ଜଗନ୍ନାଥଙ୍କ ଯୋଗୁଁ ଓଡ଼ିଶାବାସୀ ସାରା ବିଶ୍ଵରେ ପରିଚିତ ହୋଇ ପାରିଛନ୍ତି ବୋଲି ଓଡ଼ିଶାର ଦ୍ଵିତୀୟ ଶ୍ରୀକ୍ଷେତ୍ର ରଣପୁର ଜଗନ୍ନାଥ ମନ୍ଦିର ସମ୍ମୁଖରେ ପୁରୀ ସାଂସଦ ପିନାକୀ ମିଶ୍ରଙ୍କ ଓଡଗାଁ ବ୍ଲକ ପ୍ରତିନିଧି ଲିଙ୍କନ ସୁବୁଦ୍ଧି ମତ ଦେଇଛନ୍ତି ।
ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର ପୁରୀରେ ସମ୍ବିତ ପାତ୍ର ସାଂସଦ ଭାବେ ପ୍ରାର୍ଥି ହେବା ପରେ ଭାରତବାସୀ ପୁରୀ ଓଡ଼ିଶାରେ ବୋଲି ଜାଣି ପାରିଛନ୍ତି ବୋଲି ମତ ଦେଇଥିଲେ l ଏହି ଘଟଣା ପରେ ଓଡ଼ିଶାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି l ବିଜେଡି ନେତ୍ରୀ ଲିଙ୍କନ ସୁବୁଦ୍ଧି ଲେଖାଶ୍ରୀ ଭୁଲ ମାଗିବାକୁ ଦାବି କରିଛନ୍ତି l ଓଡ଼ିଆ ଜାତିର ପ୍ରାଣ ପ୍ରତିଷ୍ଠାତା ଜଗନ୍ନାଥ ସାରା ବିଶ୍ଵର ଠାକୁର ଭାବେ ପରିଚିତ l ମହାପ୍ରଭୁ ଜଗନ୍ନାଥଙ୍କ ଯୋଗୁଁ ଭାରତ ଓ ଓଡ଼ିଶା ବିଶ୍ଵ ଦରବାରରେ ଜଗନ୍ନାଥ ଦେଶ ଭାବେ ପରିଚିତ l କିନ୍ତୁ ସମ୍ବିତ ପାତ୍ରଙ୍କ ଯୋଗୁଁ ପୁରୀରେ ଓଡ଼ିଶା ଅଛି ବୋଲି ଜଣା ପଡ଼ିବା ଭଳି ଲେଖାଶ୍ରୀଙ୍କ ମନ୍ତବ୍ୟ ସମ୍ପୂର୍ଣ୍ଣ ତ୍ରୁଟିପୂର୍ଣ୍ଣ ବୋଲି ଲିଙ୍କନ ମତ ଦେଇଥିଲେ l
ଭୁଲ ମନ୍ତବ୍ୟ ଦେଇଥିବା ଲେଖାଶ୍ରୀ ସମସ୍ତ ଜଗନ୍ନାଥ ପ୍ରେମୀ ଓ ଓଡ଼ିଶାବାସୀଙ୍କ ନିକଟରେ ଭୁଲ ମାଗିବା ପାଇଁ ଲିଙ୍କନ ଓ ଉପସ୍ଥିତ ସମର୍ଥକ ଦାବି କରିଛନ୍ତି । ଏହାକୁ ନେଇ ରଣପୁର ଜଗନ୍ନାଥ ମନ୍ଦିର ସମ୍ମୁଖରେ ସମୂହ ଦୀପ ଦାନ କରାଯାଇଥିଲା l ଏହି ସମୂହ ଦୀପ ଦାନରେ ଅନ୍ୟମାନଙ୍କ ମଧ୍ୟରେ ଆଇନଜୀବୀ ସୁରେଶ ମିଶ୍ର, ସୁଶାନ୍ତ ମିଶ୍ର, ରଞ୍ଜନ ଦାସ, ସୁଶାନ୍ତ କୁମାର ବିଶ୍ବାଳ ପ୍ରମୁଖ ଉପସ୍ଥିତ ଥିଲେ l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
