ନୟାଗଡ଼: ସରୋଜଙ୍କ ମା ଓ ଭଉଣୀଙ୍କୁ ଛାଡ଼ିଲା ପୋଲିସ । ପରୀ ହତ୍ୟାକାଣ୍ଡ ମାମଲାରେ ସରୋଜଙ୍କ ମା ଓ ଭଉଣୀଙ୍କୁ ଛାଡ଼ିଛି ପୋଲିସ ।
ସୂଚନା ଅନୁଯାୟୀ, ଶନିବାର ସକାଳୁ ସକାଳୁ ନୟାଗଡରୁ ସରୋଜ ଓ ତାଙ୍କ ମା' ଭଉଣୀଙ୍କୁ ଏସଆଇଟି ଉଠାଇ ନେଇଥିଲା l ସେମାନଙ୍କୁ ନୟାଗଡ଼ ସର୍କିଟ ହାଉସରୁ ଭୁବନେଶ୍ୱର ନେଇଥିଲା SIT l ତେବେ ଶନିବାର ବିଳମ୍ବିତ ରାତିରେ ସରୋଜଙ୍କ ମା' ଓ ଭଉଣୀଙ୍କୁ ଛାଡ଼ିଥିବା ବେଳେ ସରୋଜଙ୍କୁ ଅଟକ ରଖିଛି SIT l
ସରୋଜଙ୍କ ସମେତ ତାଙ୍କ ମା ଓ ଭଉଣୀଙ୍କର ପଲିଗ୍ରାଫ ଟେଷ୍ଟ ସହ ଡିଏନଏ ସାମ୍ପଲିଂ କରାଯାଇଥିବାର ସୂଚନା ମିଳିଛି l ଭୁବନେଶ୍ୱରର ଫରେନ୍ସିକ୍ ଲ୍ୟାବରେ ପାଖାପାଖି 8 ରୁ 12 ଘଣ୍ଟାର ଜେରା ପରେ ଏକ ଅଜଣା ସ୍ଥାନକୁ ନେଇ ପଚରାଉଚୁରା କରୁଥିବା ସୂଚନା ମିଳିଛି l ପ୍ରକାଶ ଥାଉକି, ପରୀ ହତ୍ୟା ଘଟଣାରେ ତାଙ୍କୁ ଫସାଇ ଦିଆଯାଉଥିବା କଥା ସରୋଜ ଅଭିଯୋଗ ଆଣିଛନ୍ତି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
