ଦଶପଲ୍ଲା ଏନଏସି ପାଇଁ ପ୍ରାର୍ଥୀ ଦେଇପାରିଲାନି କଂଗ୍ରେସ

ପୌର ନିର୍ବାଚନ ପାଇ ଜାତୀୟ ରାଜନୈତିକ କଂଗ୍ରେସ ଦଳ ନୟାଗଡ଼ ଜିଲ୍ଲା ଦଶପଲ୍ଲା ଏନଏସି ପାଇଁ କାଉନସିଲର ଏବଂ ଅଧ୍ୟକ୍ଷ ପଦ ପାଇଁ ପ୍ରାର୍ଥୀ ଦେଇନ ପାରିବା ଦଶପଲ୍ଲା ରାଜନୀତିରେ ଏକ ରୋଚକ ଘଟଣା ଦେଖିବାକୁ ମିଳିଛି । ଅଧିକ ପଢନ୍ତୁ

ନୟାଗଡ଼: ପୌର ନିର୍ବାଚନ ପାଇଁ ପ୍ରାର୍ଥୀଙ୍କ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଶେଷ ହୋଇଛି l ହେଲେ ନୟାଗଡ଼ ଜିଲ୍ଲା ଦଶପଲ୍ଲା ଏନଏସି ରାଜନୀତିରେ ଏକ ରୋଚକ ଘଟଣା ଦେଖିବାକୁ ମିଳିଛି l ପୌର ନିର୍ବାଚନ ପାଇଁ କଂଗ୍ରେସ ଭଳି ଏକ ଜାତୀୟ ରାଜନୈତିକ ଦଳ ପକ୍ଷରୁ କାଉନସିଲର ଏବଂ ଅଧ୍ୟକ୍ଷ ପଦ ପାଇଁ କେହି ପ୍ରାର୍ଥୀପତ୍ର ଦାଖଲ କରିନାହାନ୍ତି |

ତେବେ କେତେକ ବରିଷ୍ଠ କର୍ମୀଙ୍କ କହିବା ଅନୁଯାୟୀ ଦଶପଲ୍ଲାରେ ନେତୃତ୍ବ ବା ସାଂଗଠନିକ ସ୍ଥିତି ଅଭାବ ପାଇଁ କର୍ମୀଙ୍କ ମଧ୍ୟରେ ଅସନ୍ତୋଷ ରହିଛି। ଫଳରେ ଦଶପଲ୍ଲାରେ ଦଳ ଦିନକୁ ଦିନ ଦୁର୍ବଳ ହେବାରେ ଲାଗିଛି। ମାତ୍ର ଏ ସମ୍ପର୍କରେ ଜିଲ୍ଲା ସଭାପତି ରଣଜିତ୍ ଦାଶ କହିଛନ୍ତି ଦଶପଲ୍ଲାରେ ଯେଉଁ ପ୍ରାର୍ଥୀ ଠିକ୍ କରାଯାଇଥିଲା ସେମାନଙ୍କ ନାମରେ ବହୁ ହୋଲଡିଂ ଟ୍ୟାକ୍ସ ବକେୟା ରହିଛି l ସେଥିପାଇଁ ଦଶପଲ୍ଲାରେ ପ୍ରାର୍ଥୀ ଦିଆଯାଇ ପାରିନାହିଁ l କଂଗ୍ରେସ ପ୍ରାର୍ଥୀ ନଦେବାକୁ ନେଇ ଆଲୋଚନା ସରଗରମ ରହିଛି l କଂଗ୍ରେସର ସଂଗଠନ ଦୁର୍ବଳ ରହିଥିବା ଦେଖିବାକୁ ମିଳିଛ l କେବଳ ବିଜେଡ଼ି ଏବଂ ବିଜେପି ସମେତ ସ୍ୱାଧୀନ ଭାବେ ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ କରିଛନ୍ତି l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ