ନୟାଗଡ: ନିର୍ବାଚନୀ ମହାପର୍ବରେ ଥମୁନି ରାଜନୈତିକ ହିଂସା । ପ୍ରଶାସନର କଡା ସୁରକ୍ଷା ବ୍ୟବସ୍ଥା ପରେ ମଧ୍ୟ ବିଭିନ୍ନ ଦଳ ମଧ୍ୟରେ ଲାଗି ରହୁଛି ସଂଘର୍ଷ । ଏହିପରି ରାଜନୈତିକ ହିଂସା କାଳିକାପ୍ରସାଦ ଗାଁରେ ଦେଖାଦେଇଛି ।
ଭିଡିଓ ସୌଜନ୍ୟ: ପ୍ରତିନିଧି ନୟାଗଡ
ଏହି ସଂଘର୍ଷରେ 3ଜଣ ଆହତ ହୋଇଛନ୍ତି । ଆହତଙ୍କ ଅବସ୍ଥା ଗୁରୁତର ହେବାରୁ 2 ଜଣଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ଆହତମାନେ ହେଲେ ବିଜେଡି କର୍ମୀ ସୁଶାନ୍ତ, ରମେଶ ଓ କୁଳମଣି ।
ସୂଚନା ଅନୁସାରେ, ଗତକାଲି ରାତିରେ ବିଜେଡି ଓ ବିଜେପି ମଧ୍ୟରେ ପାଟିତୁଣ୍ଡ ହୋଇଥିଲେ । ତେବେ ବିଜେପି କର୍ମୀଙ୍କ ଆକ୍ରମଣରେ ବିଜେଡି କର୍ମୀ ଜଣକ ଗୁରୁତର ହୋଇଛନ୍ତି । ଅଭିଯୁକ୍ତମାନେ କର୍ମୀଜଣଙ୍କୁ ଟାଙ୍ଗିଆରେ ହାଣି ଆକ୍ରମଣ କରିବା ସହ ଘଟଣାସ୍ଥଳରୁ ଫେରାର ଅଛନ୍ତି । ଘଟଣା ବିଷୟରେ ନୟାଗଡ ଟାଉନ ଥାନାରେ ଅଭିଯୋଗ ହୋଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
