ନୟାଗଡ: ଜିଲ୍ଲାସ୍ଥିତ ବାଇଶିପଲ୍ଲୀ ଅଭୟାରଣ୍ୟରେ ଠାବ ହେଲା ବିରଳ କଳା ଚିତାବାଘ । ଅନେକ ବିରଳ ଓ ବିଲୁପ୍ତପ୍ରାୟ ଉଡ଼ନ୍ତା ଗୁଣ୍ଡୁଚି, ବାଘୁଆ ମୂଷା, ଚିତ୍ରା କଙ୍କଡା, ନେପାଳି ମୂଷା, ବାଘ ବିରାଡ଼ି ଭଳି ଅନେକ ବିରଳ ବନ୍ୟପ୍ରାଣୀ ବାଇଶିପଲ୍ଲୀ ଅଭୟାରଣ୍ୟରେ ରହିଥିବାର ଦେଖାଯାଏ । ଏବେ ଏହି ତାଲିକାରେ ସାମିଲ ହୋଇଛି କଳା ଚିତାବାଘ ।
Rare BLACK Leopard Spotted
ଦଶପଲ୍ଲା ବ୍ଲକ ବାଣିଗୋଛା(ପଶ୍ଚିମ ) ବନାଞ୍ଚଳ ଅନ୍ତର୍ଗତ ବାଇଶିପଲ୍ଲୀ ଅଭୟାରଣ୍ୟର ଏକ ଆଭ୍ୟନ୍ତରୀଣ (core area) ଅଞ୍ଚଳରେ ଉକ୍ତ କଳା ଚିତାବାଘଟି ଠାବ କରାଯାଇଛି । ଅଭୟାରଣ୍ୟ ମଧ୍ୟରେ ଲାଗିଥିବା ଟ୍ରାଫ୍ କ୍ୟାମେରାରେ କିଛି ଦିନ ତଳେ ବାଘ ଚିହ୍ନଟ ହୋଇଛି । ତେବେ ଏହାର ବୟସ ପ୍ରାୟ ୩ ରୁ ୪ ବର୍ଷ ହେବ ବୋଲି ଅନୁମାନ କରାଯାଉଛି । ସେପଟେ ଅଭୟାରଣ୍ୟ ଅଞ୍ଚଳରେ କଳା ଚିତାବଘର ଉପସ୍ଥିତି ଏକ ଶୁଭ ସୂଚନା ବୋଲି କୁହାଯାଉଛି l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
