ନୟାଗଡ଼: ଆଜି(ଶୁକ୍ରବାର) ହେଉଛି ପବିତ୍ର କାର୍ତ୍ତିକ ପୂର୍ଣ୍ଣିମା । ବିଭିନ୍ନ ସ୍ଥାନରେ ଲୋକଙ୍କ ଗହଳି ସହ ପାରମ୍ପରିକ ନୃତ୍ୟ ଚାଲିଛି । ପୂର୍ବରୁ ସାଂସ୍କୃତିକ କାର୍ଯ୍ୟକ୍ରମକୁ ଅନୁମତି ମିଳିନଥିବା ବେଳେ ଲୋକମାନେ ଏହାର ଆୟୋଜନ କରିଛନ୍ତି । ତେବେ ଖବର ପାଇ ପୋଲିସ ପହଞ୍ଚି ଅନେକ ସ୍ଥାନରେ ଯାତ୍ରା ବନ୍ଦ କରିଥିବା ସୂଚନା ମିଳିଛି ।
ଜିଲ୍ଲା ପ୍ରଶାସନ ତରଫରୁ କୌଣସି ଦେବାଳୟ ଖୋଲାଯାଇପାରିବ ନାହିଁ କିମ୍ବା କୌଣସି ସ୍ଥାନରେ ନୃତ୍ୟ ଆଦି କରି ଗହଳି କରାଯାଇପାରିବ ନାହିଁ ବୋଲି ଗାଇଡ଼ଲାଇନ ଜାରି କରାଯାଇଛି । ପ୍ରମୁଖ ଶୈବ ପୀଠ ବ୍ୟତୀତ ନୟାଗଡ଼ର ବିଭିନ୍ନ ସ୍ଥାନରେ ଆଜି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ଲୋକଙ୍କ ଗହଳି ଜମି ରହିଛି । ପ୍ରଶାସନ ଅନେକ ସ୍ଥାନ ପହଞ୍ଚି ଯାତ୍ରା ବନ୍ଦ କରିଛି ।
ମନ୍ଦିରରେ ଶ୍ରଦ୍ଧାଳୁମାନେ ସାମାଜିକ ଦୂରତା ବଜାୟ ନ ରଖିବା ସହିତ ମୁହଁରେ ମାସ୍କ ପିନ୍ଧିନଥିବା ମଧ୍ୟ ଦେଖିବାକୁ ମିଳିଛି । ସରକାରଙ୍କ ବାରଣ ସତ୍ତ୍ବେ ମନ୍ଦିରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଜମିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
