ନୟାଗଡ଼: ଅଚାନକ ମାଡ଼ି ଆସିଲା ମୃତ୍ୟୁ । ଆଉ ନେଇଗଲା ଜୀବନ । ଏମିତି ଏକ ଅଭାବନୀୟ ଘଟଣା ଘଟିଛି ରଣପୁର ଥାନା ରଂକଦେଉଳି ଗ୍ରାମରେ ।
ଭିଡ଼ିଓ ସୌଜନ୍ୟ: ପ୍ରତିନିଧି, ନୟାଗଡ଼
ଘରେ ଇଲେକ୍ଟ୍ରି ସମସ୍ୟା ଥିବାରୁ ମିସ୍ତ୍ରୀ ଭାବେ ଲକ୍ଷ୍ମଣ ସାହୁଙ୍କ ଘରକୁ କାମ କରିବାକୁ ଆସିଥିଲେ ରବି ପରିଡ଼ା । ଏହି ସମୟରେ ଲକ୍ଷ୍ମଣଙ୍କୁ ଲାଗିଥିଲା କରେଣ୍ଟ । ବିଦ୍ୟୁତ ଆଘାତରୁ ଲକ୍ଷ୍ମଣକୁ ଉଦ୍ଧାର କରିବାବେଳେ ରବିକୁ ମଧ୍ୟ ଲାଗିଥିଲା କରେଣ୍ଟ ।
ଉଭୟଙ୍କୁ ଗୁରୁତର ଅବସ୍ଥାରେ ନୟାଗଡ଼ ମେଡ଼ିକାଲକୁ ନେଇଯାଇଥିଲେ ପରିବାର ଲୋକେ । କିନ୍ତୁ ସେଠାରେ ଡ଼ାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ଘଟଣାସ୍ଥଳରେ ରଣପୁର ପୋଲିସ ପହଁଚି ମୃତଦେହକୁ ଜବତ କରିଛି । ଏକ ଅପମୃତ୍ୟୁ ମାମଲା ରୁଜୁ କରିବା ସହ ପୋଷ୍ଟମଟମ ପାଇଁ ନୟାଗଡ଼ ଆଣିଛି ।
ନୟାଗଡ଼ରୁ ଉତ୍ପଳ ସାହୁ, ଇଟିଭି ଭାରତ
