ନୟାଗଡ଼ : ସ୍ଵାଧୀନତାର ୭୫ ବର୍ଷ ପୂର୍ତ୍ତି ଓ କ୍ରାନ୍ତୀ ଦିବସ ଅବସରରେ ନୟାଗଡ଼ ଓଡ଼ଗାଁ ବ୍ଳକ କଂଗ୍ରେସ ପକ୍ଷରୁ 75 କିଲୋମିଟର ପଦଯାତ୍ରା ଶୁଭାରମ୍ଭ ହୋଇଛି । ବ୍ଳକ ସଭାପତି ପୂର୍ଣ୍ଣ ଚନ୍ଦ୍ର ନାୟକଙ୍କ ନେତୃତ୍ବରେ ପ୍ରସିଦ୍ଧ ଶରଣକୁଳ ଲଡୁବାବାଙ୍କ ପୀଠରୁ ବିଶାଳ ପଦଯାତ୍ରା ଗୋଡ଼ିପଡ଼ା ଅଭିମୁଖେ ବାହାରିଥିଲା l ସ୍ବାଧୀନତା ସଂଗ୍ରାମରେ କଂଗ୍ରେସର ଭୂମିକା ସମ୍ପର୍କରେ ଲୋକଙ୍କୁ ସଚେତନ କରାଇଥିଲେ କର୍ମୀ ମାନେ l
ଏହି କାର୍ଯକ୍ରମରେ ନୟାଗଡ ଜିଲ୍ଲାର କଂଗ୍ରେସ ପର୍ଯ୍ୟବେକ୍ଷକ ପ୍ରଦେଶ କଂଗ୍ରେସ କମିଟିର ମୁଖପାତ୍ର ନିଶିକାନ୍ତ ମିଶ୍ର, ନୟାଗଡ ଜିଲ୍ଲା କଂଗ୍ରେସ ସଭାପତି ରଣଜିତ କୁମାର ଦାସଙ୍କ ସମେତ ବହୁ ନେତା ଓ କର୍ମୀ ସାମିଲ ହୋଇଥିଲେ l ନୟାଗଡ ଜିଲ୍ଲାର କଂଗ୍ରେସ କମିଟିର ପର୍ଯ୍ୟବେକ୍ଷକ ନିଶିକାନ୍ତ ମିଶ୍ର ଭାରତ ଯୋଡ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଏବଂ ଜିଲ୍ଲା କଂଗ୍ରେସ ସଭାପତି ରଣଜିତ ଦାସଙ୍କ ସହିତ ଉପସ୍ଥିତ ନେତାମାନେ କେନ୍ଦ୍ରର ବିଜେପି ସରକାର ଓ ରାଜ୍ୟର ବିଜେଡି ସରକାରଙ୍କ ଜନମାରଣ ନୀତିକୁ ଦୃଢ ନିନ୍ଦା କରିଛନ୍ତି ।
ଇଟିଭି ଭାରତ, ନୟାଗଡ
