ନୟାଗଡ: ଥମୁନି ବାଲ୍ୟବିବାହର ଧାରା । ସଚେତନତା ଅଭାବରୁ କେତେକ ଅଭିଭାବକ ନିଜ କମ ବୟସର କିଶୋର କିଶୋରୀଙ୍କୁ ବାଲ୍ୟ ବିବାହ କରାଇ ଦେଉଛନ୍ତି । ଯାହା ସମାଜ ପାଇଁ ନୁହେଁ ସମଗ୍ର ଦେଶରେ ଏହା ଚିନ୍ତାର କାରଣ ପାଲଟିଛି । ଏଭଳି ଏକ ଘଟଣା ସାମ୍ନାକୁ ଆସିଛି ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳରୁ ।
Child Marriage:ଦଶପଲ୍ଲାରେ ବାଲ୍ୟ ବିବାହ ବନ୍ଦ କଲା ଚାଇଲ୍ଡ ଲାଇନ୍
ଜିଲ୍ଲାର ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦର 12 ନମ୍ବର ୱାର୍ଡ଼ ଜଗାପୁର ରୋଡ଼ ଠାରେ ବାଲ୍ୟ ବିବାହ ଚାଲିଥିଲା । ଏନେଇ ବିଶେଷ ସୂତ୍ରରୁ ଖବର ପାଇଥିଲା ଚାଇଲଡ଼ ଲାଇନ । ଘଟଣାସ୍ଥଳରେ ଚାଇଲଡଲାଇନ,ଦଶପଲ୍ଲା ପୋଲିସ ଏବଂ ବାଲ୍ୟ ବିବାହ ନିରୋଧ ଅଧିକାରୀ ମିଳିତ ଭାବେ ଅତର୍କିତ ଚଢ଼ାଉ କରିଥିଲେ । 16 ବର୍ଷୀୟା ନାବାଳିକାଙ୍କୁ ଜଗାପୁର ରୋଡ଼ରେ ଥିବା ପୁଅର ମାମୁଁ ଘରୁ ନାବାଳିକାଙ୍କୁ ଉଦ୍ଧାର କରାଯାଇଥିଲା । ଉଦ୍ଧାର ହୋଇଥିବା ଝିଅର ବୟସ 16 ବର୍ଷ । ସେପଟେ ପୁଅର ବୟସ 25 ବର୍ଷ ବୋଲି ଜଣାପଡିଛି । ଦଶପଲ୍ଲା ପୋଲିସ ଘଟଣାର ତଦନ୍ତ ଚଳାଇଛି ।
ଇଟିଭି ଭାରତ, ନୟାଗଡ଼
