ନୟାଗଡ: ଆଉ କେଇଟା ମାସ ପରେ ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା ଅନୁଷ୍ଠିତ ହେବ । ଏଣୁ ରଥ ନିର୍ମାଣ ପାଇଁ ନୟାଗଡରୁ ପୁରୀ ଗଲା ରଥ କାଠ । ଶୁକ୍ରବାର ନୟାଗଡ ଦଶପଲ୍ଲା ବନାଞ୍ଚଳର ପୋଖରିଗୋଛା ଜଙ୍ଗଲରୁ ଦୁଇ ଟ୍ରିପ କାଠ ସଂଗ୍ରହ କରାଯାଇ ଟ୍ରକ ଯୋଗେ ପୁରୀକୁ ପଠାଯାଇଛି । ଆଜି ରାତି ମଧ୍ୟରେ ଏହା ବଡଦାଣ୍ଡରେ ପହଞ୍ଚିବ ।
ରଥଯାତ୍ରା ପାଇଁ ନୟାଗଡ଼ରୁ ପୁରୀ ଗଲା ପ୍ରଥମ ରଥ କାଠ
ରଥଯାତ୍ରା ପାଇଁ ନୟାଗଡ଼ରୁ ପୁରୀକୁ ଗଲା ପ୍ରଥମ ରଥ କାଠ
ବିଧି ଅନୁଯାୟୀ ମହାପ୍ରଭୁଙ୍କ ରଥ ନିର୍ମାଣ ପାଇଁ ଶ୍ରୀପଞ୍ଚମୀ ଦିନ ରଥ କାଠ ଅନୁକୂଳ ହେବ । ଏନେଇ ଆଜି ନୟାଗଡ ବନାଖଣ୍ଡ ପକ୍ଷରୁ ଦଶପଲ୍ଲା ମହାବୀର ମନ୍ଦିର ଆଗରେ ରଥ କାଠ ପୂଜା କରାଯାଇ ରଥଯାତ୍ରା ନିମନ୍ତେ ପୁରୀକୁ ଯୋଗାଣର ଶୁଭାରମ୍ଭ କରାଯାଇଛି । ଚଳିତ ବର୍ଷ ପୁରୀକୁ ରଥ କାଠ ପ୍ରେରଣ ପାଇଁ ଗତମାସ 11 ତାରିଖ ଦିନ ମହାପ୍ରଭୁଙ୍କ ଆଜ୍ଞାମାଳ ଧରି ଶ୍ରୀମନ୍ଦିର ନୀତି ପ୍ରଶାସକ ନୟାଗଡ ପହଞ୍ଚିଥିଲେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
